Popular Bible Verses from Маттэ 21

Паҳн кунед

ШӀошъхъуныгъэ шъуиӀэмэ, сыд щыщкӀи шъуелъэӀумэ, Тхьэм къышъуфишӀэщт.

– Шъыпкъэр шъосэӀо, – ариӀуагъ Исус ахэмэ, – шъугу щэч къишъумыгъахьэу, шӀошъхъуныгъэ шъуиӀэмэ, ынджыр чъыгым къехъулӀагъэм имызакъоу шъушӀэн шъулъэкӀыщт, мы Ӏуашъхьэми, «ЗыкъэӀэти, хым зыхадз» зешъуӀокӀэ, аущтэу хъущт.

ЦӀыф купышхохэу Исус ыпэ итхэу кӀощтыгъэхэми, ыуж итхэу кӀощтыгъэхэми мэкъэшхокӀэ аӀощтыгъ: – Хьусаннэ, Даутэ ы Къо дэжь! Зиусхьаным ыцӀэкӀэ къакӀорэм щытхъушхор ий! Хьусаннэ! Анахь Лъагэм щытхъушхор ий!

Исус ахэмэ ариӀуагъ: – Тхьэм къызэриӀорэр игущыӀэ тхыгъэхэм арыт, «Сэ сиунэ тхьэлъэӀупӀэщт», ау шъо «хъункӀэкӀо гъэбылъыпӀэм» фэдэ шъошӀы.

«Къалэу Цион пхъум фэдэм ешъуӀу: Еплъ, гушъэбагъэ иӀэу, щыдым тесэу, уипачъыхьэ къыпфэкӀо; ар зытесыр щыдыбзым икъунан ары».

ЕтӀанэ Исус ариӀуагъ: – Тхьэм игущыӀэ тхыгъэхэм моущтэу зэрарытым шъуеджагъэба: «Унэ зышӀыхэрэм зэрамыпэсэу чӀадзыжьыгъэ мыжъор унэр зыӀыгъырэ лъэпсэ дэдэ хъугъэ. Мыр Зиусхьаным иӀэшӀэгъэ Ӏоф, ари тэ гъэшӀэгъонэу къытфэлъагъо»?

– Арышъ, шъосэӀо, – къыпигъэхъожьыгъ Исус. – Тхьэм и Тетыгъошхо ыӀэчӀэгъ шъучӀэхьаным ифитыныгъэ шъо шъутырихынышъ, и Тетыгъошхо фэшъуашэу шӀугъэ зыгъэцакӀэрэ нэмыкӀ лъэпкъ горэм ритыщт.