Popular Bible Verses from San Mateo 13

Паҳн кунед

Pero te' tʌmbu cuñajupʌ oyepʌ najsojmo, yʌ'wʌte' te' pʌnda'm myatoŋyajpapʌ's te' tzame, y ñʌctʌ'yajpa. Yʌ'wʌte' te' chʌquiajpapʌ's tʌm. Wenepʌ's chʌquiajpa tʌm mojsi's, y wenepʌ's tuqui's, y wenepʌ's ips-co-mac.

Te' tʌmbu cuñajupʌ apijtojmo, yʌ'wʌte' te' pʌnda'm myatoŋyajpapʌ's te' tzame, pero quipšajpa najsacopajcʌsipʌ yosjojcʌtʌjcuy, y ñʌ'omyajpa itʌpa'tcuy. Y yʌ'šejta'mbʌ tiyʌ's yajambʌ'yajpa te' tzame choco'yojmo, y ja'na tyʌ'may.

Iwʌ's myatoŋba jutz aŋgui'mba te' tzajpojmo ijtupʌ, y ja'n ñʌctʌ'i, minba te' yatziwʌ y yajʌcʌ'japya te' Diojsis chame tʌjcʌyupa'a choco'yojmo. Yʌ'wʌte' te' tʌmbu cuñajuwʌ tuŋgʌsi.

Y te' tʌmbu cuñajupʌ ijtumʌy tzeya-nas tza'cʌsi, yʌ'wʌte' te' pʌnda'm myatoŋyajpapʌ's te' tzame y jʌ'nʌjʌ'nʌ pyʌjcʌchoŋyajpa, y ñʌ'omyajpa. Pero te' choco'yojmo ja'n wyatzipʌqui te' tzame, uša'ŋ horacotoyatij wyʌ'aŋjamyajpa. Quiengʌ'yajpa'c toya o qui'nisoquiuy te' Diojsis chamecotoya, pijche'ctij ja'na šuñay, y chaquiajpa.

Yʌ'šejpʌte' te' tzajpojmopʌ aŋgui'mʌtʌjcuy, jujcha' tumin najsacʌ'mʌ tajcʌwʌ'nupʌ. Y pya'tpa iwʌjutiwʌ's, y quiʌwʌ'nwʌtzʌjque'tpatij. Y omapit maŋba mya'ʌyu myumutiyʌ wa'ytij jyuyu te' nas.

Y wene cuñajque'tu oyepʌ najsojmo. Y yʌ'ta'mbʌ tʌ'majyaju. Wenepʌ tʌmbu's chʌquiaju tyʌm mojsi's, y wenepʌ's chʌquiaju tuqui's, y wenepʌ's chʌquiaju ips-co-mac.

Tzactamʌ wa'y tyumʌtzoquiaju hasta tiyʌ jama'ʌs maŋba nyajactu'mʌtʌju te' trigo. Y nu'cu'ca te' pitpʌ jama, ndzamjayajpati'ʌs te' coyojšajpawʌ: Jactumʌtzʌctamʌ winac te' yatzi-pa'aj, y si'ndumʌtzʌctamʌ wa'mis mboŋbʌ'tamu. Y te' trigo cottamʌ ʌs ndrigo-cotcu'yojmo.