Popular Bible Verses from Матфейица бицараб Рохалил хабар 7

Паҳн кунед

Гьаре нужеца – нужее кьечӏого толаро; балагье нужеца – батичӏого хутӏуларо, нужеца нуцӏа бухе – гьеб рагьичӏого толаро.

Гьарарасе кьола, балагьарасда батула, бухарасе нуцӏаги рагьула.

Гьединлъидал дир гьал рагӏабазухъ гӏенеккарав ва гьел тӏуразарулевщинав чи релълъуна, тӏалде щвезегӏан кьучӏги бухъун, мина барав цӏодорав чиясда.

Гӏадамаз нужеего гьабизе бокьулеб жо, нужеца гӏадамазеги гьабе. Гьеле гьебин Мусал Къануналдаги аварагзабазул Тӏухьдуздаги бугебщиналъул аслу-кьучӏ.

Абадияб гӏумруялде гӏадамал рачуна чӏедераб нуцӏицаги къваридаб нухалъги, амма дагьазда батула гьеб.

Чӏедераб нуцӏихъан лъугьа нуж жанире, – гӏебал кавабазги гӏатӏидаб нухалъги гӏадамал хвалде рачунелъул. Халкъалъул руккелалги гьенисан унел ругелъул.

Нужго квешал ругониги, нужеца лъималазе лъикӏабщинаб кьолеб мехалъ, жинда гьарарасе лъикӏабщинаб жо кигӏан цӏикӏкӏундай кьелеб зобалазда вугев нужер Инсуца!

Нужеца чияда гӏайиб чӏваге, Аллагьас нужедаги гӏайиб чӏваларо. Кигӏанасеб гӏайиб нужеца гӏадамасда чӏваниги, гьедигӏанаб гӏайиб Аллагьас нужедаги чӏвазе буго. Кинаб сахӏалъ нужеца борцаниги, гьединабго сахӏалъ борцине буго нужееги.

Амма дир гьел рагӏабазухъ гӏенекканиги, гьел тӏуразаричӏевщинав чи релълъуна салуда тӏад мина барав ахӏмакъав чиясда.

Дурго бадиб бугеб чӏалу бихьичӏого, дур вацасул бадиб бугеб сум щай дуда бихьулеб? Яги дуда кин кӏолеб: «Ворея, вац, дур бадиса сум бахъизе биччай», – ян гьесда абизе, дурго бадиб чӏалу букӏаго?

Гьересиаварагзабаздаса цӏуне! Гьел нужехъе рачӏуна чахъдал цӏокоги тӏад ххун. Хӏакъикъаталда гьел руго хъантӏарал бацӏал. Гьезул ишазда тӏад кинаб пихъ бижулеб бугебали халгьабун, лъала нужеда гьел. Зазил хъархъидаса цӏибил бетӏарабищ нужеца, тӏетӏелоялдаса инжирги бетӏарабищ?

Лъикӏаб гъотӏоца лъикӏаб пихъ кьола, турараб гъотӏода бижараб пихъ квешаб букӏуна.

Лъикӏаб гъотӏода квешаб пихъ бижизе рес гьечӏо, турараб гъотӏоца лъикӏаб пихъги кьоларо.

Тӏад лъикӏаб пихъ бижулареб гъветӏ къотӏун цӏадабе рехула.