Popular Bible Verses from ᓭᐣᐟ ᒑᐣ 12

Паҳн кунед

ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐊᑐᐢᑫᐢᑕᐃᐧᒋ, ᑭᔮᒼ ᓂ ᑲ ᐱᒥᑎᓴᐦᐅᐠ; ᐃᑌ ᒫᑲ ᐁ ᐊᔮᔮᐣ, ᐁᑯᑌ ᐃᐧᐢᑕ ᑫ ᐊᔮᐟ ᓂᐟ ᐊᑐᐢᑫᔮᑲᐣ; ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐊᑐᐢᑫᐢᑕᐃᐧᒋ, ᐁᐊᐧᑲᐧᓂ ᓄᑖᐃᐧ ᑫ ᑭᐢᑌᔨᒫᐟ.

ᐊᓇ ᑳ ᓵᑭᐦᑖᐟ ᐅ ᐱᒫᑎᓯᐃᐧᐣ ᑭᑕ ᐊᐧᓂᑕᐤ; ᐊᓇ ᒫᑲ ᑳ ᐸᑳᐧᑕᕽ ᐅ ᐱᒫᑎᓯᐃᐧᐣ ᐅᑕ ᐊᐢᑭᕽ, ᑭᑕ ᑲᓇᐁᐧᔨᑕᒼ ᑳᑭᑫ ᐱᒫᑎᓯᐃᐧᓂᕽ ᐃᓯ.

ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᑭᐢᐱᐣ ᐁᑳ ᐯᔭᑯᒥᐣ ᐸᑫᐧᓯᑲᓂᑲᐣ ᐸᐦᑭᓯᕽ ᐊᐢᑭᕽ ᒥᓇ ᓂᐳᒪᑲᑭ ᐯᔭᑯ ᐊᔮᐤ; ᒫᑲ ᑭᐢᐱᐣ ᓂᐳᒪᑲᑭ ᒥᐢᑕᐦᐃ ᓂᐦᑖᐃᐧᑭᒋᑫᒪᑲᐣ.

ᓂ ᐯ ᐋᐧᓭᐢᑫᐣ ᐅᒪ ᐊᐢᑭ, ᐊᐃᐧᔭ ᒫᑲ ᑫ ᑖᐯᐧᔦᔨᒥᑫᐧ, ᓇᒪᐃᐧᔭ ᐊᐧᓂᑎᐱᐢᑳᕽ ᑭᑕ ᐊᔮᐤ.

ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐯᐦᑕᐦᑭ ᓂᐟ ᐃᑌᐧᐃᐧᓇ, ᐁᑳ ᒫᑲ ᑲᓇᐁᐧᔨᐦᑕᐦᑭ ᓇᒪᐃᐧᔭ ᓄᔭᓱᐊᐧᑕᐤ: ᒋᑫᒫ ᓇᒪᐃᐧᔭ ᓂ ᐯ ᐃᑐᑕᐣ ᑭᑕ ᐅᔭᓱᐋᐧᑕᒫᐣ ᐊᐢᑭ, ᒫᑲ ᑭᑕ ᐱᒫᒋᑖᔮᐣ ᐊᐢᑭ.

ᒣᕒᐃ ᒫᑲ ᑭ ᐅᑎᓇᒼ ᐯᔭᑯᓯᑲᐧᐣ ᑕᒪᐢᑯᐃᐧᐣ ᐢᐸᐃᐠᓈᕒᐟ, ᓇᐢᐱᐨ ᐁ ᐋᑲᐧᑭᑌᔨᐠ, ᐁ ᑭ ᑐᒥᓯᑌᓈ ᒫᑲ ᒋᓴᓴ, ᒥᓇ ᐁ ᑭ ᑳᓯᓯᑌᐋᐧᐟ ᐁᐧᐢᑕᑳᔭ ᐅᐦᒋ; ᑭ ᑌᐱᒫᑲᐧᐣ ᒫᑲ ᑕᒪᐢᑯᐃᐧᐣ ᐋᐧᐢᑳᐦᐃᑲᓂᕽ.

ᑭ ᐅᑎᓇᒪᐧᐠ ᓂᐱᔭ ᐸᒼ ᒥᐢᑎᑯᕽ ᐅᐦᒋ, ᐁ ᑭ ᓯᐯᐧᑌᒋᐠ, ᐁ ᑭ ᓇᑕᐃᐧ ᓇᑭᐢᑲᐋᐧᒋᐠ, ᐁ ᐃᓯ ᑌᐯᐧᒋᐠ, ᐅᓵᓇ! ᓴᐁᐧᔨᑖᑯᓯᐤ ᐃᐢᕒᐁᐃᓬ ᐅ ᑭᐦᒋ ᐅᑭᒫᒪ ᑳ ᐯ ᐃᑐᐦᑌᐟ ᑳ ᑎᐯᔨᐦᒋᑫᐟ ᐅ ᐃᐧᔪᐃᐧᓂᕽ.

ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ, ᐅᒥᓯ ᐁ ᐃᑖᐟ, ᓵᓴᐩ ᐃᓴ ᐅᑎᐦᒋᐸᔨᐤ ᑎᐸᐃᑲᐣ ᐃᔨᓂᐃᐧᑯᓯᓵᐣ ᑭᑕ ᑭᐢᑌᔨᑖᑯᐦᐃᐦᐟ.