Popular Bible Verses from 1 Yoliánesà 4

Паҳн кунед

Dled no binom in löf; sod lefulik löf ina jedom dledi, bi dled labom tomi; ab dledölan no pelefulom in löf.

Ols se God binols, o cilils! ed evikodols omis, bi gletikum binom el in ols, ka el in vol.

Obs, benö! löfobsöz! bi om balüdo äilöfom obis.

O pailöföls! löfobsöz balvotimis! bi löf se God binom, ed alikan löföl — se God aibinom pemotöl, ed aisevom Godi.

No löfölan no elesevom Godi, bi God löf aibinom.

In atos binom löf, no bi obs elöfobs Godi, sod bi öt eilöfom obis, ed esedom Soni omik (as) vitimi plo sins obsa.

O löfikans! if alsò God eilöfom obis: id obs mutobs balvotimis ailöfön.

In atos epubom löf Goda in obs, bi Soni oka balpemotöli esedom God in voli, dat lifobsös dub ot.

If ek sagom, das löfòm-la Godi, e blodi oma hetom: neveladel binom; ibo no löfölan blodi oma, keli ailogoin: Godi, keli no elogom, no kanom löfön.

Aikel ukoefom, das Yesus Kristus aibinom Son Goda: God in ot blibom ed om it in God.

Ed ati büdi ailabobs fa öt: das (ek) löföl Godi — löfomöz i blodi oma!

O löfiks! no valike tikäle klödolsöd! sod xamolsöz tikälis, va se God binoms! bi mödiks luplöfèts esegoloms in voli. In atos lesevols tikäli Goda: valik tikäl, kel koefom, das Yesus Kristus in mid ekömom: se God binom.

Ed alik tikäl, kel no koefom Yesusi, se God no binom, ed at binom el lukristusa, dö kel elilols, das okömom, e nu in vol binom ya.