Popular Bible Verses from Čơdơ̆ng Phŭn 6

Паҳн кунед

Yêhôwa hơƀlŏk glaĭ yua kơ Ñu hmâo pơjing rai ană mơnuih ƀơi lŏn tơnah, laih anŭn rơngot ruă amăng pran jua.

Yêhôwa ƀuh tơlơi sat ƀai ană mơnuih lar hyu ƀơi lŏn tơnah laih anŭn tơlơi pơmĭn gơñu kơnơ̆ng hơduah sem khul mơneč sat.

Samơ̆ Nôê hmâo tơlơi pap ƀơi anăp Yêhôwa.

Anai jing kơnŭng djuai Nôê. Amăng rơnŭk ñu dŏ hơdip, Nôê jing sa čô mơnuih tơpă hơnơ̆ng laih anŭn hlom ƀom; ñu rơbat hrŏm hăng Ơi Adai.

Yêhôwa laĭ: “Kâo či sut lui abih bang mơnuih Kâo hmâo pơjing laih mơ̆ng lŏn tơnah, mơ̆ng ană mơnuih truh kơ hlô mơnơ̆ng rong, hlô hro rui, khul čĭm, yua kơ kâo hơƀlŏk glaĭ kơ tơlơi Kâo hmâo hrih pơjing laih ƀing gơñu.”

Ană mơnuih jai lu tui amăng lŏn tơnah laih anŭn tơkeng rai lu ană đah kơmơi. Ƀing ană đah rơkơi Ơi Adai ƀuh ană đah kơmơi ană mơnuih jing hiam rŏ, gơñu mă dŏ ƀing hlơi gơñu ruah. Yêhôwa laĭ: “Yang Bơngăt Kâo ƀu či dŏ nanao amăng ană mơnuih ôh yua kơ gơñu jing asar đôč. Mơ̆ng anai truh pơ anăp gơñu ƀu či hơdip rơgao hloh kơ sa rơtuh dua pluh thŭn ôh.” Amăng khul hrơi anŭn, laih anŭn wơ̆t kơ tơdơi kơ anŭn mơ̆n, hmâo mơnuih prŏng glong biă mă tơbiă rai ƀơi lŏn tơnah, yua kơ ană đah rơkơi Ơi Adai đih bĭt hăng ană đah kơmơi ană mơnuih, gơñu tơkeng rai ană bă. Gơñu jing ƀing mơnuih prŏng kơtang đưm adih, jing ƀing mơnuih hing ang.

Nôê ngă abih bang bruă djơ̆ tui hăng tơlơi Ơi Adai hmâo pơtă laih kơ ñu.

Ơi Adai laĭ kơ Nôê; “Kâo khư̆p-ư pơluč hĭ abih bang mơnuih, yua kơ mơ̆ng ƀing gơñu yơh lŏn tơnah bă blai hăng tơlơi ƀơhok kreñ. Anai nê, Kâo či pơđŭt hĭ ƀing gơñu mơ̆ng lŏn tơnah.

Brơi ih ngă bĕ sa boh kompăn hăng kơyâo gôpher, pơpha hĭ lu adŭ laih anŭn pik ñu hăng kơtăk ƀlit amăng lăm wơ̆t hăng gah rơngiao mơ̆n.

Ơi Adai lăng lŏn tơnah, ƀuh gơñu soh sat, yua kơ abih bang mơnuih ƀơi lŏn tơnah leng kơ hơdip amăng tơlơi soh sat.

Kơ khul mơnơ̆ng hơdip, brơi ih ba pơmŭt bĕ amăng kompăn rĭm djuai sa grop, hmâo tơno hmâo ania, kiăng kơ djă pioh gơñu hơdip hrŏm hăng ih.