Popular Bible Verses from Mutendeko 21

Паҳн кунед

FUMU yikamukumbuka Sara ndipo yikamuchitira ivyo yikapangana nayo.

Chiuta wakapulika kulira kwa msepuka ndipo mungelo wakamuchema Hagara kufumira kuchanya wakati, “Kasi ukusuzgikirachi Hagara? Reka kopa, pakuti Chiuta wapulika kulira kwa msepuka, penepara wangumugoneka. Wuka, munyamure mwana ndipo umukoreske na woko lako, chifukwa nditi ndimuzgore kuŵa fuko likuru.”

Ntheura Sara wakaŵa na nthumbo, ndipo wakamubabira Abrahamu mwana mwanarume mu uchekuru wakhe, pa nyengo yeneiyo Chiuta wakayizunura.

Sono Sara wakati, “Chiuta wandikondweska na kundisekeska ine. Yose uyo wapulikenge ichi wati wasekerere nane.”

Kweni Chiuta wakati kwa Abrahamu, “Ureke kukwenyerera mu mtima pa chifukwa cha msepuka, na pa chifukwa cha mwanakazi muzga wako. Vyose ivyo Sara wakukuphalira umupulikire, chifukwa ndi mwa Yisake umo mphapu yako yichemekerenge.

Mwana wa mwanakazi muzga yura nayoso ndamkumuzgora kuŵa fuko, chifukwa iyo nayo ndi mphapu yako.”