Popular Bible Verses from Genese 6

Паҳн кунед

Kua tataraara iorā Iehova, koia i anga i te tangata ki runga i te enua nei, e ongoongo rava akera tona ngakau.

E kite akerā Iehova, e kino maata to te tangata i te enua nei, e kua kino anake te au manako katoa, e te akakoroanga katoa o to ratou ngakau i te au rā katoa ra.

Karekā Noa, i kite aroaia mai aia e Iehova ra.

Teia te tuatua ia Noa ra. E tangata tuatua-tika a Noa, e te apa kore i tona uki; e kua aaere a Noa raua ko te Atua.

Kua tuatua akerā Iehova, E akapou au i te tangata i angaia e au i runga i te enua nei; ko te tangata, e te au puaka katoa, e te au mea totoro ra, e te au manu o te reva; kua tataraara oki au, ko au i anga ia ratou.

E MANGANUI rava akera te tangata ki runga i te enua nei, e ta ratou au tamaine i te anau anga; Kua akara akera te tamariki a te Atua ra i te au tamaine a te tangata nei, e te purotu ra; kua rave iora ratou i ta ratou i anoano ra, ei vaine. E kua tuatua mairā Iehova, Kare rava toku Vaerua e tauta uaorai ki te tangata nei, e kopapa oki aia. E teianei, ko tona au rā e toe nei, okotai ïa anere, e rua ngauru te mataiti. E aronga toa uritumu tei te enua nei i taua tuatau ra; e muri akera, kia rave te tamariki a te Atua i te au tamaine a te tangata ra, anau akera ta ratou tamariki, e riro atura ratou ei aronga toa, e aronga rongonui ïa i taito ra.

Kua pera oki a Noa; i te au mea katoa ta te Atua i akaue mai iaia ra, ko tana ïa i rave marie.

E kua tuatua maira te Atua ia Noa, Kua vaitata roa te openga o te tangata katoatoa ra iaku; kua ki oki te enua i te takinga-kino ia ratou; e i na, ka akapou au ia ratou e te enua katoa nei.

Ka tarai koe i tetai araka noou, ei gophera te rakau; e e anga koe i te pia i roto i taua araka ra, e ka amo i roto, e i vao ake, ki te tapou.

E kua akara iora te Atua i te enua nei, e i na, kua kino roa; kua kino roa te aerenga o te tangata ravarai i te enua nei.

E te au mea ora katoa o nga mea ravarai, e tataki rua anakeia, ko taau ïa e arataki katoa ki roto i te araka ra, kia ora ratou ma koe katoa ra; ko te toa e te ua