Popular Bible Verses from Yohane 21

Паҳн кунед

Kyasia wamlye, Yesu kawia Simion Petiro, “Simion mana o Yohane, ungyikundi kuta iwa?” Kammbia, “Yee, Mndumii, iyoe nuichi kye ngyikukundi.” Kammbia, “Ambuya shiondo shako.” Kammbia-se lya kawi, “Simion mana o Yohane, ungyikundi?” Kammbia, “Iye, Mndumii, iyoe nuichi kye ngyikukundi.” Kammbia, “Lyisa moondo gako.” Kammbia-se lya kaṟaaṟu, “Simion mana o Yohane, ungyikundi?” Kammbia, “Mndumii, iyoe nuichi shoose; iyoe nuichi kye ngyikukundi.” Yesu kammbia, “Ambuya moondo gako.”

Kagamba, “Ny'kyaloi, kakuwia, kyiyeri uwekyeri manakye, muwekyekuṟeyeṟa na iyenda kundu koose ukundi; kyaindi kyiyeri ochikuo, nochigoṟuo mawoko gapfo, na mndu ungyi nechikuwutia kyilya akunda na ikuṙuo kundu ulakundi.”

Kawawia, “Wikyenyi iṟambika ipfo mṟingyenyi ura lo kulyoe lo ngalawa, na nyoe mochiwaṙa makunga.” Wakawuta chandu Yesu alegamba indi kyiyeri-kyo walaiṙime ilyikuruo-se kyipfa kya makunga gafoi.

Simion Petiro kawawia, “Ngyindeṙega makunga.” Nawo wakammbia, “Na soe lochiyenda hamwi na iyoe.” Kyasia wakafuma, wakaṙooya ngalawenyi; indi kyio kyilya walewaṙa ikunga maa lyimwi-pfo.