Popular Bible Verses from Yuhani 1

Паҳн кунед

Ai, sanaka tarwamara iniane, amani ku masalru iniane, kwini lasu lai lri baai liniane ku pinawkalrivilane ka puku ku akisilalakane ki Twaumase.

Sa kaiyana kibekace kai lepawngane, kai Vaga yakaiinga. Kai Vaga si Twaumase matatapalra; kai Vaga yai Twaumase.

Kai ledra paledra ki dradrimitane, kai dradrimitane kadrwana ku tapaamalebeane ki ledra.

Ku Vaga aumawmase, si ikai mitane, la suete ku sakialibake si patengane ka sabulrwane. Wadrelengata ku lriguini, kikai lrigu ala amani ku alrane ki beraberathane ka Lalake ki Tama.

Kai Twaumase pangwakai iniane si bekace sanaka maneemane; ikai ki tabekacane patueelre, kadrwa ku navaevanga ku kai ngwakai iniane si kibekace. Kai Vaga amani ku tatwaladhane ki niake, kikai niake wabaai ki umawmase ku ledra.

Sakakaiyane, ku Yuhani wadrele ki Yesu sa papiapia iniane kainganai, la iya kai, “Drela, ka Lrulai ka Kiu ki Twaumase, mwalra ku pasalrivane ki yakawmasane!

Kai Vaga yakai kawmasane, ku Twaumase pangwakai iniane si bekace kawmasane, ai kai kawmasane kai umawmase, kai wathingale iniane. Kai lasu kaiyanganai mwa ki cekeleini, kwi sakacekeleini la kai tarumara iniane.

Kwini ledra amani ku patengane ka ledra, ka kaiyanganai mukawmasane si paledra ki sanaka umawmase.

Ku Twaumase pangwakai ki Musi pelaela pathingale ku hulrice, ai ku migemi si patengane ka sabulrwane pangwakai ki Yesu Kirisitu kainganai.