Popular Bible Verses from Matiye 5

Паҳн кунед

Yaw, ndaw a gəɗey awaw aa petərla, a pa asi maŋgayak ba, si a pa aa slam mepey petərla amba a waɗatar dey ŋgada ndəhay daa way a tabiya. Anda keɗe, si ka waɗam fa dey ŋga ndəhay tabiya, amba a hətmar sləra akwar maaya, a həslmar ray a Papakw akwar Bay Gazlavay da vaɗ.»

«Asaya, akwar na, ndəhay ma waɗa bəla. Da berney aa daa ray ŋga aŋgwa na, a ɓey fa dey ŋga ndəhay la daw?

Maaya ŋga Gazlavay aa da ray ndəhay ma səpmara mey ŋga Gazlavay ta mevel pal, maja ata na, a hətmar Gazlavay la ta dey ata.

Maaya ŋga Gazlavay aa da ray ndəhay ma wuɗam ŋga key cek ma mbafar a Gazlavay ta mevel ata cəpa, maja ata na, Gazlavay a, a pata la aa wiya.

Ama yah na, ya fa ləvkwar: wuɗmata masa-gəra akwar hay, dəram daŋgay a Gazlavay amba a pəstar mey a ndəhay ma sərdamakwar banay.

«Maaya ŋga Gazlavay aa da ray ndəhay ma ləvam mbalay Gazlavay, ba na, ata cek hay ŋga tede. Maaya ŋga Gazlavay aa da ray ata na, maja ata ma təɓmara amba Gazlavay a wey da ray ata fara fara.

Maaya ŋga Gazlavay aa da ray ndəhay ma cəmtar ɗay ŋga ndəhay, maja ata na, Gazlavay a da zəlta bəz aŋga hay.

Maaya ŋga Gazlavay aa da ray ndəhay masa ta matəway daa dey, maja ata na, ara Gazlavay ma da dəktar mevel.

Maaya ŋga Gazlavay aa da ray ndəhay masa ndəhay ma sərdamata banay maja ata ma kam cek ma mbafar a Gazlavay. Maaya ŋga Gazlavay aa da ray ata na, maja Bay Gazlavay fa wey da ray ata.

Maaya ŋga Gazlavay aa da ray ndəhay ma səram dey-ceceh fa ndəhay, maja ata na, Gazlavay a sərfatar dey-ceceh la may.

«Da ndəhay fa cəɗmakwar, fa sərdamakwar banay, asaya, fa mbərzlam a ray akwar maja akwar ndəhay aɗaw hay na, maaya ŋga Gazlavay aa da ray akwar. Ta sərdamata banay ta ndəhay ma təla mey ŋga Gazlavay zleezle la, ba diya? Yaw, da anda keɗe na, maaməlkam, njam ta meesəmey ga ara mey ba, maja ara Gazlavay ma da pəlkwara mawurɓay ŋga sləra akwar maaya maaya da vaɗ.»

Maaya ŋga Gazlavay aa da ray ndəhay meekweɗ-mey, maja ata na, a da hətam slam menjey anda Gazlavay ma ləvtar a da vəldatara.

Yesu a ləvtar a gula aŋga hay saya: «Da bəla keɗe, akwar na, anda manda. Da mecərey ŋga manda ha daa saba na, ka da sərmara ara manda na, kwara? Da mecərey ŋga manda ha daa saba na, aŋga maaya saba, a kwiydamara aa papalah saw, ndəhay a hərpamara.

Papakw akwar Bay Gazlavay da vaɗ, aŋga maaya kalah, a wuɗta ndəhay tabiya. Təram ndəhay maaya kalah anda aŋga.»

Da mey a ara aŋga na, ləvam: “Ahaw, ara aŋga!” Da ara aŋga ba na, ləvam: “Kay, ara aŋga ba!” Da ka ləvam mey wal na, ŋgene mey a, a bawa ta fa *Sataŋ, bay-malula.»

«Akwar ma cəndamara mey ŋga Gazlavay maa guzley la daa slam mekele, a ləvey: “Da ndaw a wuzlkakawa dey na, wuzlkara ŋga aŋga may. Da ndaw a pəlŋgwakawa sler na, pəlŋgwara ŋga aŋga may.” Ama yah na, ya fa ləvkwar, akwar na, ka da pəlam cəhwal ba. Da ndaw a kəɗka a cakay baazlam ŋga zəmay na, mbəɗdara dey ŋga gula saya.

Da dey akah ŋga zəmay fa həldaka ŋga key cek hay maaya ba na, wuzlka dey a, hazakada dəreŋ ta kah. Ŋgama mezəvey ŋga vaw akah pal meezəɗey da ray vaw akah tabiya ma da kəzley aa vəgeɗ ŋga awaw magaza. Asaya, da har akah ŋga zəmay fa həldaka ŋga key cek maaya ba na, ɗəsla har a, hazakada dəreŋ ta kah. Ŋgama mezəvey ŋga vaw akah pal meezəɗey da ray vaw akah tabiya ma da mbəzey aa vəgeɗ ŋga awaw magaza.»