Popular Bible Verses from Chivkeeb 9

Паҳн кунед

Lub cim kws kuv coglug tseg moog ibtxhis rua mej hab txhua yaam kws muaj sa, mas yog kuv yuav ua kuas muaj ib tug dluab zaaj sawv rua sau cov fuab. Tug dluab zaaj ntawd yog lub cim kws kuv coglug tseg nrug tuabneeg nplajteb.

Thaus tug dluab zaaj sawv tshwm sau cov fuab, kuv pum tug dluab zaaj ntawd, kuv yuav ncu txug tej lug kws kuv tau cog tseg moog ibtxhis rua mej hab txhua yaam kws muaj sa nyob huv nplajteb nuav.

Yog leejtwg tua tuabneeg, mas lwm tug yuav muab tug ntawd tua ib yaam nkaus, rua qhov Vaajtswv tsim tuabneeg muaj tug yaam ntxwv zoo le Vaajtswv.

Vaajtswv foom koob moov rua Nau-es hab nwg cov tub has tas, “Mej yuav muaj tub muaj ki coob, kuas mej txhaj muaj xeebntxwv fuamvaam moog nyob puv nplajteb.

Txij nuav moog kuv pub txhua yaam tsaj, noog, hab ntseg rua mej noj, ib yaam le tej zaub kws kuv tub pub rua mej noj lawm.

Txhua yaam tsaj, tsi has tsaj nyeg, tsaj qus, naab, qaav, naag noog, hab tej ntseg puavleej ntshai mej. Kuv yuav muab tej tsaj ntawd tso rua mej kaav.

“Mej yuav muaj tubki coob, kuas mej tej xeebntxwv fuamvaam moog nyob puv lub nplajteb.”