Popular Bible Verses from KINAWANSAYAN 11

Паҳн кунед

Om boros kaddi do TUHAN, “Iti nopo tulun diti om iso' i' o bansa' om iso-iso' o bansa' do boros. Iti nopodti om koimpuunon nogi' di pokiwawansayan diyolo'. Om a' no alaid om owonsoi ngai' no diyolo' o nunu nopo i korohian diyolo'. Osonong nogi' do lumintuhun toko' om pogisuwai-suwayon toko' i' o boros diyolo', om a' i' iyolo' kopogisuhu-suhut do mogiboro-boros,” ka dau.

Om boros kaddi diyolo', “Baino' nopo, om popoingkakat toko' dot iso' o bandar om momonsoi toko' dot iso' o walai dot akawas, i kosunggu do hilo'd tawan o kasawato', om koinggayo i' o ngaran toko', om a' toko' indo kopogitongkiad-kiad do hiti'd pomogunan,” ka diyolo'.

Om iri nopo i bandar diri nga' pinungaranan do “Babil”. Tu' hilo' no o TUHAN do pinopogisuwai-suwai do boros do tulun, om hilo' nogi' do pinogitongkiad-kiad dau o tulun do pinotongkop diti pomogunan.

Di nopo di gulu po, om iso' no o bansa' do boros do tulun do hiti'd pointongkop do pomogunan om oiyo nopo o boros diyolo'.

Om lintuhun noddi o TUHAN do minongoi ontong di bandar om i walai dit akawas di winonsoi di tongoulun diri.

Om pogitongkiad-kiado' noddi do TUHAN iyolo' do pinotongkop diti pomogunan. Om tingkadai noddi diyolo' do momonsoi i bandar diri.