Popular Bible Verses from يُحَنَّ 1

Паҳн кунед

عَمَّا حَا جَࢡّٜ ندٜ، نُطِّنْࢡٜ ندٜ ڢُو، ندٜ حٛکِّ ࢡٜ بَاوْطٜ لَاتَاغٛ ࢡِࢡّٜ اَللَّه؞

حَا ڢُطَّمْ، وٛودِ بِعٜتٜىٰطٛ وٛلْدٜ؞ وٛلْدٜ مَنْ طٛنّٛ حَا کٛمْبِ اَللَّه، کَيْرٜ وٛنِ اَللَّه؞

أَلنّٛورَ طٛنْ يَيْنَ ندٜرْ ࢩِࢡْرٜ، عَمَّا ࢩِࢡْرٜ وَاوَايْ حَطُغٛ کَ؞

وٛلْدٜ غٛ لَاتِ نٜطّٛ مَرْطٛ ࢡَنْدُ، عٛجٛوطِ شَکَ مٜىٰطٜنْ؞ عٛ کٜىٰوْطٛ مٛعّٜرٜ عٜ غٛونغَ؞ مِنْ نغِعِ تٜدُّنغَلْ مَاکٛ، طُمْ تٜدُّنغَلْ ࢡِطّٛ بَجّٛ مٛ بَابِرَاوٛ؞

اَللَّه تَغْرِ کٛو طُمٜ ڢُو بٜى مَارٜ، وَلَا کٛ تَغَ بِلَا مَارٜ؞ نغٜىٰندَمْ عِوِ حَا مَارٜ، نغٜىٰندَمْ مَنْ وٛنِ أَلنّٛورَ يِمْࢡٜ؞

جَنغٛ مَنْ يُحَنَّ يِعِ عِيسَى طٛنْ وَرَ حَا مَاکٛ، عٛوِعِ‏: «ندَا جَوْغٜلْ اَللَّه عِتَّنْنغٜلْ حَکّٜىٰجِ دُنِيَارُ؞

وٛلْدٜ مَنْ طٛنّٛ ندٜرْ دُنِيَارُ، اَللَّه تَغْرِ دُنِيَارُ بٜى مَارٜ، عَمَّا دُنِيَارُ عَنْدِتَايْ ندٜ؞ ندٜ وَرِ حَا يِمْࢡٜ مَارٜ، عَمَّا يِمْࢡٜ مَارٜ نجَࢡَايْ ندٜ؞

وٛلْدٜ غٛ وٛنِ أَلنّٛورَ نغٛونغْطُکَ، کَ وَرِ ندٜرْ دُنِيَارُ، کَ طٛنْ يَيْنَنَ يِمْࢡٜ ڢُو؞

تَوْرٜىٰتَ حٛکَّامَ بٜى جُنغٛ مُوسَى، عَمَّا مٛعّٜرٜ عٜ غٛونغَ مبَنغِ بٜى عِيسَى اَلْمَسِيحُ؞