Popular Bible Verses from Génesis 32

Паҳн кунед

Ko thi xii ndachro: —Jaꞌa isinꞌa Jacob. Jai siꞌin Israel, ixin kuetukoꞌo Ndo Dio ko kuetukoꞌo chujni ko kjuacha.

Kuthimejan thi xii ndachro: —Tajanda na ixin ubingasaan. Ko Jacob batheꞌe: —Ja̱ sinchenchaonꞌa na, tsajandaꞌa.

Kuthimejan sakjan Jacob, ko are jeꞌo tajii, biji naa thi xii ko kuexiꞌin kuetukaꞌo nguixin thi̱e ko kuajanda choo chrijan nchaꞌon.

Ko Jacob binchegiꞌin nunthe mee, Peniel ixin ndachro: «Bikon Ndo Dio ko jeꞌe Ndo bikon na Ndo kai, ko benꞌa na.»

Ko thi jithetukaꞌo Jacob, are bikon ixin chroꞌa thjeꞌe cha, thi xii bintja nthachreen Jacob ko ndabachrjegaꞌa nthalurue.

Ko banchiangi thi xii: —¿Kexreen diꞌin? —Jaꞌan diꞌin na Jacob.

Ko Jacob banchiangiꞌi: —¿Kexreen diꞌin jaꞌa? Aro thi xii batheꞌe: —¿Unda danchiangi kexreen diꞌin na? Kuthimejan thi xii nthiꞌa binchenchaunxin.

Jikininxinꞌa na kain thi Suixin bechjana ko Suixin thjen ngajin kainxin nchaꞌon. Jaꞌan bathujin nda jithinga diꞌin Jordán ko xruꞌin barichunda, jeꞌo ntha kutho jingaa rana, aro jai ni chujnina ixin ndakutsjé na̱ yoo kunchjeeya na̱.

Mexinxin jai ni Israel neꞌa na nthao te ngain nthachreen kuxiigo ixin Jacob bachrjegaꞌa nthachreen.

Kuthejan Jacob nichjayee Ndo Dio ko ndachro: «Nchana, Diue ndudachriꞌna Abraham ko ndudana Isaac, Suixin ndachjejin na ixin rukjan na ngain nuntheꞌna ko ngain ni chujnina, ko Suixin ndachro ixin jian rukjina.

Nthatsaꞌan ñao thjengijna na ixin suenꞌa na xan chian Esaú. Jixraon na ixin tsii xan ko suena xan ko suen xan kain chriꞌna ko xan nchinchinchjanꞌna.