Popular Bible Verses from SAN JUAN 6

Паҳн кунед

An Jesús jajuniy: ―Kit'ini ikpan yu xt'a'a jatsukunti. Yu akint'amina jantu a'tam katichawanalh, chi yu kinkiklaka'iy jantu a'tam katikikxixli.

An takuwin yucha yu xt'a'a jatsukunti, an lakatunaj yucha yu jantu tu'u lhitapalay. An chiwinti an yu iklalhixa'alayaw yucha takuwin chi jatsukunti.

Jant'u k'alhit'ap'ats'at'iti an wayt yu wa lakp'uch'iy u wa min'ojoy. Yucha an yu jantu min'ojoyi k'alhit'ap'ats'at'it, yu xt'a'a jatsukunti yu jantu min'ojoy, yu iklaxta'niyaw kit'in yu ikwalh isTs'alh Lapanak, mu an Dios, an kimPay yucha kisakxtulh.

Chunchuniya lakask'in an kimPay, li ixchuxk'an an yu tala'ts'in an isTs'alh Dios chi takiklaka'iy, katalhitsukulhi jatsukunti yu jantu min'ojoy. Chi kit'in ajkamala'awnicho'oya akxni xati'astancha wilhchan kajuna'.

An Jesús ja'alhtaylh jajuniy: ―An tapatsat yu an Dios lakask'in, yucha li k'ak'iklak'a'it'iti an yu mala'achatachalh.

Ixchuxk'an yu kijaxta'niy an kimPay, akintala'mina', chi yu kintala'min jantu aktijasastuklhi.

An Simón Pedro alhtaylh: ―Jamach'alhkat Jesús, ¿tisiyuchacha akch'a'o'ayawi? Aminchiwinti yucha yu xt'a'a jatsukunti yu jantu a'tam min'ojoy.

Kit'ini an pan yu la'ajunta yu lakt'iyan mintachalh. Yu yucha uy ani pan, katsuku'alhiya'. An pan yu kit'in akxt'a'a, yucha an kilakatunaj. Aklhima'axt'a'a ixlakata tacha an t'aw'ok'an ani lakamunulhpa'.

Jantu xamati lay akintich'a'o'alh li an kimPay yu kimakmintalh jantu kilhiminiy, para li lay akmala'awnicho'olh akxni xati'astancha wilhchan.

Mu an ixpan an Dios yucha an yu minchalh talhman chi xta'niya jatsukunti an lakamunulhpa'.

Kit'in ikpan yu xt'a'a jatsukunti.

An Jesús xa'a'ilhcha an pan, chi ixli'astan xta'lhicha lhimala'puchajun, chi jaxta'nilhcha an ixt'alhtanan. Chi yu'uncha tamala'pitsinilhcha ixchuxk'an an lapanakni yu ancha ixtawilanalh, chi an jatanti wanajcha chuni ilhtulh, chi jaxta'nilhcha, tacha oxicha talhikiklalh. Akxni talaj'o'atsa'olhcha, an Jesús jajuniy an ixt'alhtanan: ―K'amach'ixt'amitcha an yu xajchalh lakt'ikt'i, para li jantu tu'u kats'an'alh.

Katacha la'akisicha u la'achaxancha kilometrojo ixta'antachalh, tala'ts'ilhcha an Jesús li ix'ukxjalhtanaj'antachalhcha an lakxkan chi waniycha ixla'antachalh an barco, pus tatalhamnilh. Pero yucha jajunilh: ―¡Mu kit'in, jant'u k'alakt'alhanant'it!