Popular Bible Verses from Evangelium e Markostar 5

Паҳн кунед

A vov lake phenda: Čhaje, o paćape ćiro sastarda tut; đa krotkipna, thaj ov sasti katar o nasvalipe ćiro.

Thaj e đuvli jek savi dešuduj berš nasvali sas katar o thavdipe e ratesko. Thaj but dukha sinela e bute sastarutnendar, thaj xala sa so sala, thaj khanči ni ažutisardala, no sar sas lake po bilaćhe sinele.

Thaj sigo ačhilo te thavdol o rat latar, thaj aćarda an peste kaj sastili e nasvalimastar.

Thaj lija e ćhajorja vastestar thaj phenda lake: Talita kumi, so averčhande si: Ćhajorije, tuke vakerav, ušti!

Đikaj vov vađe vakerela, avile katar e phurederutne sinagogake vakerindoj: E ćhej ćiri muli; so pana deš zori e Sikamne? A o Isuso sar ašundas o lafjori so vakerde, phenda e sinagogake phurederutnese: Ma dara, de paći!

Kaj leske vakerdasa: Ikljov, ođi biužo, andar o manuš! Thaj phučla les: Sar si ćiro alav? Thaj vov phenda leske: Legion si munro alav; kaj sam amen but.