Popular Bible Verses from Paidáish 35

Паҳн кунед

Phir Ḳhudá ne use kahá, ki Maiṉ Ḳhudá e Qádir i mutlaq húṉ: tú baromand ho, aur bahut ho já; tujh se ek qaum, balki qaumoṉ ke jathe, paidá hoṉge, aur bádsháh terí sulb se nikleṉge; aur yih mulk, jo maiṉ ne Abrahám aur Izháq ko diyá hai, so tujh ko dúṉgá, aur tere ba‘d terí nasl ko bhí yihí mulk dúṉgá.

Aur áo, ham rawána hoṉ, aur Baitel ko jáeṉ; waháṉ maiṉ Ḳhudá ke liye, jis ne merí tangí ke din merí du‘á qubúl kí, aur jis ráh meṉ maiṉ chalá, mere sáth rahá, mazbah banáúṉgá.

Aur Ḳhudá ne use kahá, ki Terá nám Ya‘qúb hai: terá nám áge ko Ya‘qúb na kahláegá, balki terá nám Isráíl hogá: so us ne us ká nám Isráíl rakkhá.

Tab Ya‘qúb ne apne gharáne aur apne sab sáthíoṉ se kahá, ki Begána deotáoṉ ko, jo tumháre darmiyán haiṉ, dúr karo, aur tihárat karke apne kapṛe badal ḍálo.

Aur Ḳhudá ne Ya‘qúb se kahá, ki Uṭh, Baitel ko já, aur wahíṉ rah; aur waháṉ Ḳhudá ke liye, jo tujhe us waqt dikháí diyá, jab tú apne bháí ‘Esau ke pás se bhágá já rahá thá, ek mazbah baná.

Aur yúṉ húá, ki us ne marte marte us ká nám Bin-úní rakkhá; aur mar gayí; par us ke báp ne us ká nám Binyamín rakkhá.