Popular Bible Verses from Paidáish 12

Паҳн кунед

Aur maiṉ tujhe ek baṛí qaum banáúṉgá, aur barakat dúṉgá, aur terá nám sarfaráz karúṉgá, so tú bá‘is i barakat ho; jo tujhe mubárak kaheṉ, un ko maiṉ barakat dúṉgá; aur jo tujh par la‘nat kare, us par maiṉ la‘nat karúṉgá; aur zamín ke sab qabíle tere wasíle se barakat páeṉge.

Aur ḲHUDáWAND ne Abrám se kahá, ki Tú apne watan aur apne nátedároṉ ke bích se, aur apne báp ke ghar se nikalkar us mulk meṉ já jo maiṉ tujhe dikháúṉgá.

So Abrám, ḲHUDáWAND ke kahne ke mutábiq, chal paṛá; aur Lút us ke sáth gayá; aur Abrám pachhattar baras ká thá, jab wuh Hárán se rawána húá.

Tab ḲHUDáWAND ne Abrám ko dikháí dekar kahá, ki Yihí mulk maiṉ terí nasl ko dúṉgá: aur us ne waháṉ ḲHUDáWAND ke liye, jo use dikháí diyá thá, ek qurbángáh banáí.