Popular Bible Verses from JOHON 6

Паҳн кунед

Jisu bórokno hai hwnwi sa kha, “Angno mwthangnai chámung. Ani thani phainai borok bo ok khui phlai glak, phiya ano poito khlainai borok bo twi kang phlai glak.

Borokno mwthangnai wng kha Kaitorni Phola se, bórokni phan le mungsa phano chúk ya. Ang norokni thani kók samani abono Phola, abono mwthangnai.

Sogwi thángnai chámungni bagwi ta tang di, mwthang phlainai chámungni bagwi se tang di. Borokni Sajla se abo tẃi chámung norokno rwnai, tamni hwn khe Bupha Kaitor aboni bagwi se bono mari bu-ui rw-o.”

Sajlano nugwi poito khlainairok mwthangjak phlai thung hwnwi se Apha muchungjago, hakhe páithakni salo ang bórokno mwthangwi tisanai.”

Jisu hai hwnwi sa kha, “Kaitor rohormani borokno poito khlai di; omo’-no Kaitor khlai di hwnmani.”

Apha ano rwmani joto borok ani thani phainai, phiya ani thani phainai borokno ang kiphil rwui rohor glak.

Simon Pitor hai hwnwi sa kha, “Subrai, saboni aro chwng thángnai? Nini thani se mwthang phlainai kók tongo.

Ang’-no chuknohani ongkhorwi phainai a mwthangnai chámung. Tumungno khoroksa swk o chámungno chá khe bo kwthang tong phlainai. Ang bono chámung rwna hwnmani abo khe ani bahan se, swngchar ba mwthangjak thung hwnwi abono ang rwnani.”

Ano rohornai Apha yak so ya khe khoroksa phano ani thani phaiwi man ya; phiya páithakni salo ang bono mwthangwi tisa anw.

Tamni hwn khe chuknohani ongkhorwi phainai abo se Kaitor rwmani chámung; bo’-se swngcharno mwthangnai.”

Ang’-no mwthangnai chámung.

Jisu a ruti naui Kaitorno hambai rwui aro achukjak lukurokno banta khe rw kha, phiya a áno nauibo abo hai’-no banta khe rw kha. Hakhe bórok cháui man sak’-no chá lai kha. Bórok bebak’-no ok pungwi chá bai khe Jisu bini sagrirokno hai hwnwi sa kha, “Chikhaksa kwma ya tẃi khe bára tong rwkmarokno khochaui ton di.”

Sagrirok mail kaitham kaibrwi chok laiwi tháng khe bórok Jisuno twi saka tẃi himwi rung bwkhak phaima nuk kha, hakhe belai kirijak lai kha. Jisu bórokno hai hwnwi sa kha, “Ta kiri di, omo ang se!”