Popular Bible Verses from Эге дөс 17

Паҳн кунед

Аврам тозан тос харлыг турда, Дээрги-Чаяакчы аңаа көстүп келгеш, мынча дээн: «Мен Күчүлүг Бурган-дыр мен. Мээң мурнумга актыг-шынчы болуп, дыңнангыр чурттап чор.

Сээң адың ам Аврам эвес, а Авраам болур, чүге дээрге Мен сени хөй чоннарның адазы кылып каар мен.

Мен сээң-биле болгаш сээң үре-салгалың-биле керээ чарып тур мен. Ол керээ салгалдан салгал дамчып, мөңге шагда күштүг болур. Мен сээң болгаш сээң үре-салгалыңның Бурганы болур мен.

«Бөгүн Мен сээң-биле чагыг-керээ кылып тур мен: сен дыка хөй чоннарның адазы болур сен.

Бурган мынча деп харыылаан: «Сээң кадайың Сарра боду оол уруг божуур. Ону сен Исаак деп адап аар сен. Мен ооң-биле база ооң үре-салгалы-биле мөңге шагда чагыг-керээден чарып аар мен.

Мен сеңээ болгаш сээң үре-салгалыңга көжүп чедип келгениң бо черни – ханаан черниң шуптузун мөңгеде ээлээри-биле бээр мен; сээң үре-салгалыңның Бурганы болур мен».

Авраам черге чедир мөгейип каан. Ынчалза-даа ол каттырып боданган: «Чүс харлыг менден уруг төрүттүнер бе ынчаш? Тозан харлыг Сарра божуп шыдаар деп бе?»

Оон ыңай Бурган Авраамга мынча дээн: «Моон соңгаар сээң кадайыңны Сара эвес, а Сарра деп адаар.

Мээң-биле керээң демдээ кылдыр бодуңарның дотааңарның кыдыкы кежин кыртыжап демдектээр силер.

Ынчалза-даа чагыг-керээмни Мен Сарраның келир чылдың бо-ла үезинде сеңээ божуп бээр оглу Исаак-биле кылыр мен».

Чаа төрүттүнген оол уруг бүрүзү сес дугаар хүнүнде кыртыжадып демдектеткен турар ужурлуг – салгалдан салгалче шак-ла ынчаар кылып чоруңар. Сээң аалыңга төрүттүнгеннер-даа, сээң үреңден бодараваан, өске аймак-сөөк улустан садып алган кулдар-даа болза – кандыызы-даа ыяап-ла кыртыжадып демдектеткен турар ужурлуг. Мээң-биле мөңге шагда чарган дугуржулгаңар шак ынчалдыр силерниң мага-бодуңарга демдеглеттинген турар ужурлуг.