Popular Bible Verses from Mateo 10

Паҳн кунед

Wokami ngixinteq achel karneꞌl chikikajal wineq ri eꞌachel salilej teq utiwaꞌ, ri kin xtiyakatej koyowal chiwij. Romariꞌ kꞌes inoꞌoj tibꞌanaꞌ, achel kumetz ri ndikijekꞌ kiꞌ atoq ndikinabꞌej chi ndibꞌan jun achike chake, y achel palomas ri maneq itzel ndikibꞌen.

Ri ja ri aj rochꞌulew rukꞌaslen ndupoqonaj, ma ndiril ta ri kꞌaslen ma ndikꞌis ta. Jakꞌa ri ma ndupoqonaj ta rukꞌaslen chin nduqꞌasaj kꞌayew roma ngiroqaj, kin ndiril ri kꞌaslen ma ndikꞌis ta.

Ma tixibꞌij iwiꞌ chikiwech ri xaxe ok ri i-cuerpo ngetiker ndikikamisaj, pero ri iwánima ma ngetiker ta ndikikamisaj. Rix más utz tixibꞌij iwiꞌ chuwech ri Dios ri nditiker nduteq ri iwánima y ri i-cuerpo pa qꞌaqꞌ.

Y jun wineq ri ndirajoꞌ ndok wichin yin, ndikꞌatzin chi ma ndupoqonaj ta nduqꞌasaj kꞌayew roma ngiroqaj, achel xa ta kin bꞌaneq chuxeꞌ ru-cruz chin ndekamisex. Jakꞌa ri wineq ri xa ndupoqonaj nduqꞌasaj kꞌayew roma ngiroqaj, ri jun riꞌ ma rukꞌulun ta chi ndok wichin yin.

Romariꞌ, xa achike na jun ri ma xtuxibꞌij ta riꞌ xtubꞌij chikiwech wineq chi yin rutaqin, riyin chuqaꞌ nibꞌij chuwech ri Nataꞌ kꞌo chikaj, chi ri jun riꞌ yin rutaqin. Pero achike na jun ri xtibꞌiꞌin chikiwech wineq chi maneq ru-cuenta chuwa, keriꞌ chuqaꞌ riyin, nibꞌij chuwech ri Nataꞌ kꞌo chikaj, chi ri jun riꞌ ma jun nu-cuenta chare.

Keꞌikꞌachojrisaj ri ngeyawej, keꞌikꞌastajbꞌaꞌ ri ekamineq, keꞌichꞌajchꞌojrisaj ri kꞌo lepra chikij, y keꞌiwelesaj e ri itzel teq espíritu pa kikꞌaslen ri wineq. Nojel re uchuqꞌaꞌ reꞌ xa kin sipan chiwa, romariꞌ nixta jun rajel tikꞌutuj atoq ndikusaj chin ndibꞌen utz chake ri wineq.

Romariꞌ, ma tixibꞌij iwiꞌ, porque rix más iweqalen ke chikiwech ekꞌiy chꞌuteq aj xikꞌ teq chikap.

Ma tinojij chi xinuqaqa chin nuyaꞌ uxlanen chochꞌulew. Riyin ma xinuqaqa ta chin nuyaꞌ uxlanen, xinuqaqa chin woma yin ndiyakatej oyowal chikikajal ri wineq.