Popular Bible Verses from SAN LUCAS 5

Паҳн кунед

Lhama alhta apsovja appayvam apcanya: —Simón, ilhinquis sat naysicsoc yingmin. Elquilhanta nayingmin yamyamayin. Colmoc sat quilasma —alhta aptomjac.

Apcatingmavoc alhta Simón: —Visqui, ningilinlhanacmec nintingyey quilasma alhtaa lhac. Am lhac ongilmac lhama. Eyca pac olyejiclhojo lhip appayvam. Pac ongitlhantac sat yamyamayin —alhta aptomjac. Lhama alhta apquilquilhantamo yamyamayin. Lanoc alhta alantalhna quilasma. Quitlhincasquic alhta incolyaptic yamyamayin quilasma.

Apmiyaclhec alhta mepqui lha tingma, yoyam elmalhna Ingyapam.

Am ongvanam enlhit apquilpeyvomo, enlhit melyascalhma eyca pac ongvanam, yoyam elyanmongsic apquilvalhoc —alhta aptomjac.

Lhama alhta apvita Simón Pedro. Apquilticlhicvocmo alhta aptapnaoc apnaclha Jesús, appamejitsa: —Visqui, jeyinyov sat coo. Esomqui nac coo —alhta aptomjac.

Apcatingmavoc alhta Jesús, apquilpamejitsa: —Apvancaac enlhit apjalhnancaoc mepqui panatem inyap. Colapvancaac eyca enlhit melyimnatem.

Lhama alhta apquilnincanveclho nicja yingmin barco. Apquilhaquic alhta aclhamoclhojo asoc. Apquilyiplaclhec alhta Jesús.

Lhama alhta apna Jesús lhama tingma. Apvitacpec alhta lhama enlhit, actimem ningmasquem ningilyitapaycam lepra. Lhama alhta apvita Jesús, apquilpolintamo apticlhiquic napaat lhapop apquinmamcaclha. Aptomjac alhta apcanya: —Visqui, apquiltamjoc sat ancoc jetamilquiscomoc, apvanquic lhip —alhta aptomjac. Yejemoc alhta apyasa apmic appatningvocmo: —Altamjoc coo, itniclha apjalhnancoc —alhta aptomjac. Yejemoc alhta acmasca lepra ningmasquem ningilyitapaycam.

Inlingalhquic alhta mataa apvisay natingma lhalhma anco. Apquicjingvaac alhta mataa enlhit apnaclha Jesús. Apquililtamjoc alhta elaylhojo appayvam. Apquililtamjoc alhta najan eltamalvomoc ningmasquemataoc.