Popular Bible Verses from GÉNESIS 6

Паҳн кунед

Am nic nat colcac apvalhoc Dios Apyimtalhnamo aptemaclha apquillanay nic nat siclho enlhit. Inyitnocjavoc nic nat apvalhoc.

Apvitac nic nat Dios Apyimtalhnamo apquiltemaclha apquilmapsomcaa enlhitaoc lhalhma anco. Inquilquitamquic nic nat mataa apquilvalhoc asoc almasomcaa.

Inlicavoc nic nat apvalhoc Dios Apyimtalhnamo aptemaclha Noé.

Eycaso amyaa aptemaclha ilhnic nat Noé. Appeyvomo ilhnic nat Noé. Am nic nat esilhnanacpoc napato Dios Apyimtalhnamo. Am nic nat elhnoc apquictingaycamco lhama. Apyiplovcasquic nic nat Noé apmayjayoclha Dios Apyimtalhnamo.

Aptomjac nic nat Dios Apyimtalhnamo: —Pac sat osavojo otvacsic aplhamoclhojo enlhitaoc silanay coo. Otvacsic sat aclhamoclhojo ninnatoscama najan asoc alpilhyevaycam nalhpop najan aclhamoclhojo nata. Am colcac evalhoc silanay siclhoc anco aclhamoclhojo asoc— nic nat aptomjac.

Aplhameclhec nic nat enlhitaoc as nalhpop. Apquilvitac nic nat apquitquic quilvanaa. Apquilvitac Dios apquitquic altomja altamila quilvanaa mepqui anatamcaa. Apquilyacyesquic nic nat quilvanaa. Inquilyimjapquic nic nat. Aptomjac nic nat Dios Apyimtalhnamo: —Am oltamjoc coo eltiyasam enlhitaoc cotmongvoycamlha nelha. Ayinyemaclha apyovoclhojo innac enlhitaoc. Apvancaac eltiyasam acvamlha 120 años— nic nat aptomjac. Apquilvitacpec nic nat siclho enlhit apquilvinatem apanco as nalhpop. Ayinyemaclha inquilyimjapamquic nic nat Dios apquitquic quilvanaa enlhit apquitquic. Apquiltamongvocmec nic nat apquitquic. Natamin apquilvitacpec nic nat mocjam enlhit apquilvinatem apanco. Apquilyimnatem apanco ihlnic nat siclho, am nic nat elhnoc poc enlhitaoc.

Apquilyajaclhoc nic nat Noé actemaclha appayvam apcanama Dios.

Aptomjac nic nat Dios Apyimtalhnamo apcanya Noé: —Pac sat osavojo otvacsic enlhitaoc lhalhma anco. Apquilsilhnanomap apanco najato ayinyema apquiltemaclha apancaoc. Pac sat osavojo otvacsic enlhitaoc najan acyovoclhojo as nalhpop.

Ilaná sat lhip memong nicjaa yamit aysicsic actiyascam nayingmin. Ilaná sat aclhamoclhojo avalhoc congne. Ilapaoc sat yamit anyi aclhamoclhojo alyancalhcaoc. Ilapaoc sat ayimpejic najan avalhoc barca yamit aysicsic yoyam cotlhejec yingmin.

Apvitac nic nat Dios Apyimtalhnamo apquiltemaclha almasomcaa enlhitaoc lhalhma anco. Lhama ilhnic nat apvita Dios Apyimtalhnamo apquiltemaclha apancaoc enlhitaoc.

Ilantalhnes sat lhip acvamlha anit moclhama actemaclha asoc aleyvam as nalhpop yoyam colvomoc tap. Lhama sat mataa inquinavo najan lhama inquilvana.