Popular Bible Verses from ལུ༌ཀ༌ 17

Паҳн кунед

ཏེ༌ནེ༌ ཁོང༌ངི༌ ཁོའ༌ མོལས༌, “ལོངས༌ ཡང༌ སོང༌, ཁྱོ༌རང༌ངི༌ ཏད༌པའེ༌ ཁྱོ༌རང༌ གྱལ༌ཅུགས༌ཏེ༌ ཨིན༌།”

ཀལ༌ཏེས༌ ཁོའེ༌ ཉི༌མ༌ ཅིག༌གི༌ ནང༌ང༌ ལན༌ རྡུན༌ ཁྱོ༌ཞའེ༌ གྱབ༌གལ༌ལ༌ སྡིག༌པ༌ ཅོས༌ཏེ༌ ལན༌ རྡུན༌ ཁྱོ༌ཞའེ༌ཀ༌ ཡོངས༌ཏེ༌ གྱོད༌པ༌ ཅོ༌ན༌, ཁྱོ༌ཞའེ༌ ཁོའ༌ ཤགས༌པ༌ ཏོང༌།”

ཁོང༌གུན༌ནི༌ ཕྲོ༌ནེ༌ ཅིག༌གི༌ ནད༌ གྱལ༌ཁན༌བོ༌ ཐོང༌ཏེ༌ སྐད༌ ཆེན༌མོའེ༌ ནང༌ང༌ དཀོན༌མཆོག༌ག༌ སྟོད༌པ༌ ཕུལ༌ཨིན༌ ལོགས༌ཏེ༌ སོང༌། ཡང༌ ཡེ༌ཤུའི༌ ཞབས༌སི༌ དུན༌ལ༌ གྱེལ༌ཏེ༌ ཁོང༌ང༌ ཐུག༌རྗེ༌ཆེ༌ ཞུས༌། ཁོ༌ ས༌མར༌རི༌ཡཱ༌པ༌ཞིག༌ ཨིན༌པིན༌།

ཏེ༌ནེ༌ ཁྱོ༌ཞའེ༌ ཞས༌ཏེ༌ སུ༌ཞིག༌གའང༌ སྡིག༌པའེ༌ ནང༌ང༌ མི༌གྱེལ༌ཅེས༌ལ༌ ཏན༌ཏན༌ ཅོས༌།” “ཀལ༌ཏེས༌ ཁྱོ༌ཞའེ༌ སྤུན༌ཞིག༌གི༌ སྡིག༌པ༌ ཅོ༌ན༌, ཁོའ༌ ཁའ༌སྐྱེས༌ཏེ༌ སྐྱོང༌, ཡང༌ ཀལ༌ཏེས༌ ཁོའེ༌ གྱོད༌པ༌ ཅོ༌ན༌ ཤགས༌པ༌ ཏོང༌།

ཡེ༌ཤུའི༌ མོལས༌, “ཁྱོ༌ཞ༌ རྕུ༌ ནད༌ནེ༌ ཕན༌ མ༌ཕན༌ས༌? ཞན༌ རྒུ༌བོ༌ ཀ༌རེ༌?

གཙོ༌བོའེ༌ ལན༌སལས༌, “ཀལ༌ཏེས༌ ཁྱོ༌རང༌ང༌ ཉུང༌སྐར༌རི༌ ས༌འོན༌ ཆུ༌ངུན༌ ཟམ༌ཤིག༌གི༌ ཏད༌པ༌ ཡོད༌ན༌ ཁྱོ༌རང༌ངི༌ འོ༌སེ༌ ལྕང༌མའ༌ ཟེར༌, ‘པ༌ཀྲག༌ནེ༌ པུད༌ཏེ༌ ཚོའེ༌ ནང༌ང༌ སོང༌’ ཡང༌ ཏེ༌བོའེ༌ ཁྱོ༌རང༌ངི༌ ཁའ༌ ཉན༌ཨིན༌།”

རང༌སྲོག༌ ཐམས༌ཏེ༌ དུག༌ཁན༌གུན༌ནི༌ དེན༌བའེ༌ མི༌ཚེ༌ སྐྱལ༌ཨིན༌, ཨིན༌ནའང༌ ངའེ༌ ཕིའ༌ ཁོ༌རང༌ངི༌ སྲོག༌ སྐྱལ༌ཁན༌གུན༌ནི༌ དེན༌བའེ༌ མི༌ཚེ༌བོ༌ སྐྱོབ༌ཨིན༌།

གཙོ༌བོ༌ ཡེ༌ཤུའི༌ ཁོང༌རང༌ངི༌ ལོབ༌ཕྲུགས༌གུན༌ལ༌ མོལས༌, “སྡིག༌པའེ༌ ནང༌ང༌ གྱེལ༌ཅུག༌ཁན༌ ཏན༌ཏན༌ ཇུང༌ཨིན༌, ཨིན༌ནའང༌ ཏེ༌བོ༌ ཇུང༌ཅུག༌ཁན༌བོའ༌ ཙམ༌ཤིག༌གི༌ ཇིགས༌པ༌ མི༌ཡོང༌། འི༌ ཆུ༌ངུན༌གུན༌ནི༌ ནང༌ནེ༌ ཅིག༌ག༌ སྡིག༌པ༌ ཅོ༌ཅུག༌གི༌ སང༌ ཁོ༌རང༌ངི༌ སྐྱེའ༌ རན༌ཐག༌གི༌ རྡོའ༌ ཏགས༌ཏེ༌ གྱ༌ཚོའེ༌ ནང༌ང༌ ཕང༌ན༌ གྱལ༌།

“མི༌ ཀྲང༌པོ༌ ནོ༌ཨའེ༌ ཏུས༌ལ༌ ཇུང༌ཁན༌ ཙོགས༌ མི༌རིགས༌སི༌བུ༌ ཡོང༌ངི༌ ཏུས༌ལའང༌ ཇུང༌ཨིན༌ ནོ༌ཨ༌ གྲུ༌ཟིང༌ངི༌ ནང༌ང༌ ཞུགས༌སི༌ ཞག༌ ཚོག༌པ༌ མི༌གུན༌ ཟེན༌, ཐུང༌ཨིན༌, ན༌མ༌ ཅོ༌ཨིན༌ དང༌ བག༌མ༌ ཏང༌ཨིན༌ དུགས༌། ཏེ༌ནེ༌ ཇིག༌རྟེན༌ནི༌ཀ༌ ཆུ༌ལོག༌ ཡོངས༌ཏེ༌ མི༌ཚང༌མ༌ ཆུའི༌ ནང༌ང༌ ནུབ༌ཏེ༌ ཤི༌།”