Popular Bible Verses from Lukas 8

Паҳн кунед

So pelias ande e laši phuv, si kudo kai, kana ašunel e vorba čači ai laši, ilesa ninkerel la, ai del fruti butivar.

So pelias maškar le kanře, si kudo kai, kana ašunel e vorba, žialtar, ai mukel la te tasaven la le ginduri, le barvalimata ai le dragosti le traioske, ai vo ninkerel le fruti kai či pakiona.

Kudo kai si pe e stanka, si kudo kai, kana ašunel e vorba, lel la veselimasa; numa nai les vuna, vo patial pe jekh vramia ai vo perel tele ande e vramia kana si zumado.

Porme vo phenel lenge: Kai lo tumaro patiamos? Lias len e dar ai si lenge šodo, von phenen jekh avreske: Kon si kado, kai porončil vi pe e balval ai pe o pai, ai kas patian?

Kudo kai si pe e rig la vurmaki, si kudo kai ašunel, porme o Xitro avel, ai ankalavel anda lesko ilo e vorba, daratar ke patial ai ke skipil pe.

Ke nai khanči garado kai či arakhena, khanči garado kai te na žianen ai avela avri ande e vedaria.

E žiuvli, dikhlias ke dine pe lako gor, avili isdraimasa te šiudel pe ka leske punře, ai voi phenel angla sa o narodo sostar voi asbadias les, ai sar voi sastili strazo. O Jesus phenel: muři šei, tjiro patiamos skipisardias tu; žia ande e patia.

Von pašile ai uštiade les, phenenas: Birevo, birevo, ame xasavas! Uštilo, vo daravel le balvalia ai le talazuri, kai ašile, ai muto avile.