Popular Bible Verses from Lukas 5

Паҳн кунед

Kana vo getosardias te del duma, vo phenel ka o Simon: Žian angle maškar o pai, ai šiuden tumare setki t'astaren maše.

O Simon dias les palpale: Birevo, ame kerdiam butji sa e riat bi te las khanči; numa pala tjiri vorba, me šiudava e setka. Šiudias la, von line but maše, ai lengi setka šindiolas.

Numa vo gelo ande e pusta te řudjisarel.

Me či avilem t'akharav te kein pe kudalen kai si vorta, numa le bezexalen.

Kana dikhlias kudia, o Simon Petri pelo ka le čanga le Jesusoske ai phenel: Baria, žiatar mandar, ke me sim jekh manuš bezexalo.

O Jesus, lias e vorba, phenel lenge: Nai kudalen kai si saste ke trubul len o doxtoro, numa le nasvalen.

Ai, andine le čunuri pe e phuv, von mukle sa, ai gele pala leste.

O Jesus sas ande jekh foro, ai eta, jekh manuš pherdo nasulimos žiungalo, dikhlias les, pelo pe peski fatsa, ai kerdias leske kako řudjimos: Baria, te kamesa, tu šai vužares man. O Jesus vazdias o vast, asbadias les, ai phenel: Me kamav, av vužio. Strazo o žiungalimos muklias les.

Lesko vestimos žial sar mai but ai mai but, ai le žene avenas — baro narodo — t'ašunen leste ai t'aven saste lestar.