Popular Bible Verses from Luke 6

Паҳн кунед

La ke caanda, haliko mi niaa bɛɛ sɔla o keo. A tuululnin niaa ɲɔɔn ɲɛkɛndɛi o bɔlɔla domala niaalan nin. Hiiluu, mà diŋila, mì n coŋ, kani o ɲɛ niaa co tuuvo nin-ndo nin nda tuulunin niaa ni.»

Sɔɔn kɛndɛn co vanaciee kɛndɔɔ o kɔl-lon, mun o soli ceen ni. Sɔɔn vɔɔŋun co vana vɔɔndo o kɔl-lon, mun koni ndu bɛɛ soli ceen ni. Kani ɲɛ pia vana o kɔl-lo, ndu sondoo dimi ni.»

Kɛ la kaola yaamɔaa niaa, mì la tosa dɛnɛ kɛndɔɔ, la dɔnda vannda, la yiyan le niaa mingul te. O kon, vɔ̀ngɔ̀ niaa vanin o bɔɔ, la siŋnunnin vɛlɛ Poaa O Hiow-Ɲɔɔn-Kpow-vo, kani vana kɛndɔɔ o co le vanaa sina ikɛndɛ le-a a le vanaa vɔɔnda ni.

La va vanaa iɲííya mɛɛ Fuɲa niaa co vana iɲííyo yɛ.»

«La kialu yamɛi vana le, haliko yamɛi kilun niaa le. La yaala vana le, haliko vana yaala niaa le. La mal caanda haki, haliko mi niaa bɛɛ sɔla hakio malɔɔ.

«Kɛ mì dimul niaa, niaa vanaa co ya yaŋnɔnndo-a: La kaola yaamɔaa niaa, la tosal vanaa co nɛyɔnndo a niaa-a dɛnɛ kɛndɔɔ, mì la dɔw vanaa co niaa mɛɛniaa-a duaa, mì la piɛi Hala le vanaa co niaa saangiaa-a.

O niaa yeema mì vannda tosal niaa-o, niaa bɛɛ la tosal nda lende.

Te vanndo lɔɔ nɔm pɛ kpaŋnde, a mulul ndu vɛlɛ ipilɛi. Te vanndo cua pɛ doma nɔm bɛndoo, kuuna ndu o lebɛngoo cuaa le. Vana-vana piɛi nɔm pɛ, a yɔngu ndu. Vanndo cua pɛ ɲɛ nɔmndo, ɲuna ndu le nɔm ndu mingul te.

«Yɔm kɛndɔɔ kum komɔɔ vɔɔndo le, lende koni, yɔm vɔɔndo bɛɛ kum komɔɔ kɛndɔɔ le.

O komɔɔ vana sina yɔmnde súúlan ni. Vana kendu vooson o yɔm n'yɔɔ le, vana kendu vɛlɛ rɛsɛnndon o siɛmbullo le.