Popular Bible Verses from Yahiya 5

Паҳн кунед

“Sabennal akahante kaꞌam, sine-sine makakale meꞌ panoloꞌkun duk kahagad si mamapitu akuhin, ellum iye salama-lama. Gaꞌi iye tewwaꞌ hukuman Tuhanin. Gaꞌi ne iye legga Tuhanin saguwaꞌ ellum iye salamalama.

Takite si Isa iye pabāk-bāk laꞌi duk kataꞌuhanne weꞌ tiggel ne saki aꞌa miyaꞌan. Manjari tilew si Isa iye, paꞌinne, “Bayaꞌ ke kew koleꞌ?”

Kaꞌam iyan, magtuyuꞌ teꞌed kaꞌam ngadjiꞌ kitabin, peggeꞌ tapikilbi bang kaꞌam ngadjiꞌ ngasuwaꞌ umul kaꞌam salama-lama si surgaꞌ. Bu kitab inin ne magaka sabab akuhin. Saguwaꞌ gaꞌi kaꞌam ngatu patuhut si aku, bu aku makaꞌurungan kaꞌam umul gaꞌ tamanannen.”

Paꞌin si Isa si iye, “Kuwat kew, boꞌohun pabākannun bu nu ne lumengngan.” Magtawus aꞌahin koleꞌ. Binoꞌo weꞌ ne pabākannen bu lumengngan ne iye. Na, ellew miyaꞌan, ellew Sabtuꞌ, ellew liꞌi meꞌ Yahudihin.

Sambungan si Isa meꞌ nakuraꞌ miyaꞌan, paꞌinne, “Sabennal akahante kaꞌam, gaꞌ teꞌed niyaꞌ tahinangku bang baran-baranku hadja. Saguwaꞌ ine-ine takiteku hinang Samakun, iye isab miyaꞌan hininangkun. Kēmon hininang Samanen iye du isab hininang Anaknen.