Popular Bible Verses from Tutu Mate 16

Паҳн кунед

Tajan te'en nāka'an tuku Jesuu chi'in ma ndra jàkua'a chi'in ra: ―Tu ìyo nda yo kùuni jakua'a chi'i̱n, ìyo yi ña jaña na ña nakanini na cha'a ma ña kùuni na ja'a na, ta na ki'in na kruu na, ta tandikun na chatai.

Yu'u kà'in chi'un ña yo'o nàniun Petu', ta chata ma yuu ka'nu i'ya, ni java'i ma veñu'i, ña ni ma kui'na, na küu janduva ra yi chi'in ma ndatu ra.

Ta nuu yo'o ni ku'vai ma ndatiku nuu chà'ndai tiñu ma andivi. Ta ma ña ni kasiun ma nuñu'u' ñuñivi i'ya, nda ma andivi ni ndasi yi ndia. Ta ma ña ni nunaun ma nuñu'u' ñuñivi i'ya, nda ma andivi ni nuna yi ndia. ―Takan kāti Jesuu chi'in Petu'.

Vati ma ndian ni kuuni jakakú ma'iin na na, ni kuvi na. Va ma ndian ni kuvi cha'a' ña chìnuni na tu'in, ndiakan ni kakú na.

¿Nda kuenda kùu yi tuva kùu ni'i yo tandi'i ma ña chiniñu'u yo ña ìyo ma ñuñivi, tu töve ni ni'i yo nuu ni koo yo indeeni chi'in Ndioo? Ta, ¿a kùu jata yo ma kivi koo yo ma ñuñivi i'ya?, kùuni ndo. ¡Na küu yi!

Tajan Jesuu te'en nāka'an tuku ra chi'in ndra: ―Ta ndyo'o, ¿nda ra kà'an ndo ña kùi?, kùuni ndo. Tajan Simón Petu' te'en nāka'an ra chi'in Jesuu: ―Yo'o kùu̱n Cristu, ra Se'e Ndioo ndito ―kàti Petu' chi'in ra.

Ta Jesuu te'en nāka'an ra chi'in ra: ―Na sii kuuniun yo'o Simón, ra se'e Jonás, vati nï'iin ñivi töve nī jana'a ma tu'un i'ya nuu̱n, ti ma ra jāna'a yi nuu̱n kùu ma Tatái, ra ìyo andivi.