Popular Bible Verses from Matthieu 16

Паҳн кунед

Nɛ Jésus tɔa ha hio *wan-yambimɔ pɛa: «Ka ma wi ngoy mɛ ndari mi, lɛma nde, wɛnɛ akafi wɔ mɔ nzan fɛt, wɛnɛ agu getakate pɛa gde ha zu bhaka wa, nɛ wɛnɛ andari mi.

Nɛ mi tɔ ha mɛ nde, mɛ nê Pierre, ka tɔ nde, ta. Mi bewesiri zugili wi pɔm ka ɛ sa nde *eglize, gde ha zu ta ɛngɛ. Nɛ ngase ngatɛ pɛ fio lɛm gan zu mbwa na.

Mi beha mɛ hio sɔtɛ nutwa mɔ *Kongakandɔ Ngɔn. Mɔ ka mɛ bekafi nde, ɛ ade yo ha nu, Sɔ bekafi yo ha ngɔn. Nɛ mɔ ka mɛ bemɛkiri nde, ɛ ade yo ha nu, Sɔ bemɛkiri yo ha ngɔn.»

Hazu wi ka ngoy kpasisi tunɔ pɛa, a beyɔsisi yo. Ma, wi ka beyɔsisi tunɔ pɛa hazu mi, a bekpa yo kpoo.

Ka ma wi yɔsasa tunɔ pɛa nɛ wal kpaa mɔ nzan fɛt, kpaamɔ pɛa bede nɛ ge ha wɛnɛ ge nde? Wi lɛm hɛ fin tunɔ pɛa nɛ mbinga nɛ nge mɔ ge nde? Ma mɔ ndang bona.

Nɛ wɛnɛ ana mbwa: «Ma, ɛnɛ, ɛnɛ tɔ pɛ ɛnɛ nde, mi nê o?» Simon-Pierre kiforo wen: «Mɛ nê Mesi, Bewei pɛ tunɔ Sɔ.»

Mɛgi Jésus tɔa ha wɛnɛ: «Totɛ ha mɛ Simon bewei pɛ Jean, hazu yo bo nê wi ka gbasi yo ha mɛ na. Ma, yo nê Bafa mi ha zang ngɔn.