Popular Bible Verses from Luukeꞌ 6

Паҳн кунед

Avuavu' nkoverimatoai arurimaatoaina'. Tampoo' basinoo' dankarankampuma meenki'ora piaampura aruriaina'. Tee' dii'ke avereriaina' tee' basina' napo' dii' aruriaing.”

Teie naning tamparai tee teieta tampara domang-koong kore'nang-eta tampara tavo'antavumaung ee'noko teie naning orarai tee teieta orara domang-koong kore'nang-eta orara tavo'antavumaung, teieta bakaang domang-koo otoining piamparako bakaang karange minkuvurimaung.”

Teka dii'ke piaaverererimaatoaing dii'koo kare-nupoong tampa' nkovererima, ee'noko komaaru eentaraariko averererima tamung teka siperimaatoai maku'koo noru'eria'. Tee'koo diikaang moo' bakei pankaing ee'noko dii' teing tee Ovoring Deto Basi baurukaa' deentariaing, ai' teie tee tampa' nkovurimaung teing oreng, tampa' tang noru'aavaing.

Piaae maanto'dariri otorimaatoaing Diuma paning-koong piaae maanto'ari otomana'.

Nantoong koong-anta-koo oioi'daria' otoai Kumponinge nari' koong-antaruriauka'na'. Kiimata-koo tamperereria' otoai Kumponinge kiimata-koo tanturiauka'na'. Tonta'antareeri otorimaatoai dii' tonta'antaruiaina'.

“Teka ninge aa'dampimang dii' tampa' taaramerimaing: Diikaning kare-nupoong piaaverererimaatoaing, tampa' nkovererima teing dii' munte'daarimaing. Teing barakosi'daarimaing biraanke-antavererimaatoai. Teing oraka' nkoraarimaing kunsi-koo pakuererimaatoai.

Ee'noko nantoonge dii' tampa' nkoraarii'naang piarorimana' tee' nari' nkovererimaatoaing teing dii'ke.

Baa naning dii' amo'koo tanko'duriaing napo' bari'nameng naueriai napo' tanko'durii'naang. Baa tee dii' mononopa' daunanaa' pari'duriaing tee-koo orokoveriauka' napo' boonanaa' pari'duriko. Ookara eentaraarimaatoaining averererimaatoai ee'noko teing baata diikaning kapoo'nanka pari'daariaining dii'ke napo' eentaverereriauka' teing.

“Ee'noko koi' tampara sinang orara bi'umaung otoa', ee'noko napo' koi' orara sinang tampara bi'umaung otoa'.

Koi'navarina' biikaang sinang-koo tasi'paarimaung. Tee sinang piiki' too'murintaa'po'navari-koo kavaavarupeu', ee'noko karikau' napo' mo'ming nana'mosirii'koo kavaavarupeu'.