Popular Bible Verses from Mo꞉mo꞉do꞉ 9

Паҳн кунед

A꞉la꞉saeta꞉ga꞉yo꞉ Gode eyo꞉ wa꞉ka a꞉la꞉sio꞉, “To saefa꞉ a꞉no꞉ gi o꞉lia꞉, gililo꞉ sa꞉la꞉la꞉i ha꞉na꞉lab o꞉lia꞉yo꞉lo꞉, a꞉la꞉ta꞉ga꞉ mela꞉no꞉lo꞉ a꞉lab kelego꞉ gi o꞉lia꞉lo꞉ a꞉lab a꞉no꞉lia꞉yo꞉lo꞉ tambo dinali saefa꞉ a꞉no꞉, o꞉go꞉lo꞉ tif amio꞉lo꞉ dowa꞉i ha꞉na꞉mela꞉ib ko꞉lo꞉ ele ba꞉da꞉mela꞉no꞉wo꞉ we. Ne o꞉lia꞉ henfelo꞉ o꞉lia꞉yo꞉ towo꞉ saeto꞉l ko꞉lo꞉, gio꞉ ele ba꞉da꞉melea꞉kiyo꞉, niyo꞉ kola꞉ us amio꞉ sowa꞉silo꞉wo꞉ dia꞉to꞉l.

Kol amio꞉ sowa꞉silo꞉wo꞉ ba꞉dakiyo꞉, no꞉no꞉ndo꞉ i o꞉lia꞉lo꞉ to dinali saefa꞉ a꞉no꞉ a꞉na a꞉asuluma꞉no꞉. To a꞉no꞉ ne o꞉lia꞉ henfelo꞉ amilo꞉ mela꞉no꞉wo꞉ a꞉lab o꞉lia꞉ tambo saefa꞉ ko꞉lo꞉ to a꞉no꞉ ko꞉ngo꞉ dowa꞉i ha꞉na꞉mela꞉ib.” Gode eyo꞉ a꞉la꞉saefa꞉.

“Kaluka꞉isaleyo꞉ Gode eyo꞉ inin misido꞉ dimido꞉. A꞉la꞉fo꞉ko꞉lo꞉ kalu abeyo꞉ kaluka꞉isale nowo꞉ ko꞉lo꞉ sana sowalega, kalu a꞉no꞉lo꞉ sanala꞉bi a꞉la꞉saeto꞉l.

Gode eyo꞉ Noa o꞉lia꞉ inso꞉ otalen o꞉lia꞉yo꞉ nafale mesea꞉ki, towo꞉ imo꞉wo꞉ a꞉la꞉dinali sio꞉, “Giliyo꞉ so꞉wayo꞉ sa꞉la꞉la꞉i ha꞉nakiyo꞉, modo꞉ fa꞉la꞉dowaki, henfelo꞉ we tambo ilila꞉bi.

Tamin amio꞉ i fo꞉s gemo꞉lo꞉ maiya꞉kilo꞉ dimi o꞉leaumbo꞉, o꞉go꞉ no꞉ henfelo꞉ amilo꞉ dalale san a꞉no꞉ tambo gi na꞉melea꞉ki ta꞉to꞉l.

No꞉ ilaboda꞉lo꞉ a꞉lab ko꞉li ko꞉lilo꞉wo꞉lo꞉, o꞉ba꞉ iwalulo꞉ a꞉labo꞉lo꞉, no꞉ kelego꞉ galin hen amilo꞉ dalolia꞉ ha꞉nano꞉lo꞉, a꞉la꞉ta꞉ga꞉ ka꞉ ho꞉n amilo꞉ a꞉labo꞉lo꞉, tambowo꞉ ge ba꞉da꞉ga꞉yo꞉ tagi doma꞉ib ko꞉lo꞉, iyo꞉ gi halaido꞉ a꞉ma꞉ ha꞉ga doma꞉ib.

A꞉la꞉ta꞉ga꞉ giliyo꞉ so꞉wayo꞉ sa꞉la꞉la꞉i ha꞉nakiyo꞉, modo꞉ fa꞉la꞉dowaki, henfelo꞉ we tambo ilila꞉bi.” Gode eyo꞉ a꞉la꞉sio꞉.