Popular Bible Verses from Jean 6

Паҳн кунед

Jésus atene na ala: “Mbi laa mbi yeke mapa so ayeke mu fini na zo. Zo so aga na mbi, fade nzara ti kobe ayeke sara lo laoko pepe; zo so ama na be na mbi, fade nzara ti ngu ayeke sara lo laoko pepe.

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”

Jésus akiri tënë na ala: “Kua so Nzapa ahunda na ala ti sarango ni ayeke ti ma na be na zo so lo tokua lo.”

Azo so kue Babâ amu ala na mbi, fade ala yeke ga na mbi; zo so aga na mbi, fade mbi yeke zia lo na gigi oko pepe.

Simon Pierre akiri tënë na lo: “*Kota Gbia, e yeke gue ti e ande na zo wa? Atënë so ayeke mu na zo fini so angba lakue lakue, ayeke gi na yanga ti mo oko.

Mbi yeke mapa so ayeke mu fini na zo, mapa so alondo na yayu si aga. Zo so ate mapa so, fade lo yeke ngba na fini lakue lakue. Mapa so mbi yeke mu ande ayeke tere ti mbi so ayeke sara titene azo ti dunia awara fini.”

Tongana Babâ so atokua mbi airi mbeni zo pepe, zo ni alingbi ti ga na mbi pepe. Tongana zo ni aga na mbi, fade mbi yeke zingo lo na kuâ na lango ti ndani.

ndali ti so mapa ti Nzapa ayeke zo so alondo na yayu, lo zu si lo yeke mu fini na azo ti dunia.”

Mbi yeke mapa so ayeke mu fini na zo.

Tongaso Jésus amu amapa ni, lo mu singila na Nzapa si lo kangbi ni na azo so aduti. Lo kangbi nga asusu ni na ala, zo oko oko ate alingbi na nzara ti lo. So ya ti azo ni asi awe, Jésus atene na adisiple ti lo: “Ala ro anduru kobe so angba so, ala sara si mbeni oko agirisa pepe.”

So ala gue na ngo ni ngbii asi kilometere oku wala omene, ala baa Jésus ayeke tambula na le ti ngu si lo yeke ga nduru na ngo ti ala. Mbeto agbu ala. Me Jésus atene na ala: “Ala sara mbeto pepe, so mbi laa!”