Popular Bible Verses from Tongo nda ti aye 11

Паҳн кунед

Lo tene: “Mo baa awe? Ala kue ayeke gi mara oko; ala kue ayeke tene gi yanga ti kodro oko. Kozo kua ti ala so ala yeke sara ni so laa? Ye so ala leke na be ti ala ti sarango ni so, fadeso mbeni ye ti kangango lege na ni ayeke daa pepe! Tongaso e zu, e buba ya ti yanga ti kodro ti ala si mbeni zo akiri ama tënë so mba ti lo atene na lo pepe!”

Na pekoni, ala tene na popo ti ala, atene: “E londo, e leke mbeni gbata; e leke mbeni kota da so li ni ayo, akpo le ti nduzu. Tongaso si iri ti e awu si e kangbi na ndö ti sese kue pepe.”

Ndani laa a di iri ti ndo ni so Babel, ngbanga ti so na ndo so laa KOTA GBIA abuba ya ti yanga ti kodro so azo ti sese kue ayeke tene. Na ndo so nga laa KOTA GBIA akangbi ya ti ala na ndö ti sese kue.

Azo ti ndö ti sese kue ayeke tene gi yanga ti kodro oko; atënë ti yanga ti ala kue ague gi oko.

KOTA GBIA azu ti baa gbata ni na da so ayo na nduzu, so amolenge ti Adam ayeke leke ni so.

Gi na ndo so laa KOTA GBIA akangbi ya ti ala na ndö ti sese kue si ala zia lege ti sarango gbata ni.