Popular Bible Verses from Ñwaè' Maêk 13

Паҳн кунед

Bèe wɛɛwɛ a be kè bàa wèe njo' mɛ̀. Geewa'a ŋwɛ̀ ce e ka' tɛɛ tatap du ba' àlʉ̀simbùu banɛ ŋgàŋ be lùŋ.”

Lòr nè nfè'! Fa buumi nè ka', njobè' wèe rìŋ nfè' ce buu ca vi be koni ka'.

A ka' koo wèe ce dù àgho tɛ a bo dù sa' wèe, mlù mi fa koo wèe enɛ wèe be dù làa ba kɛ ka'. Nfè' e ghɛɛ, wèe ku laa yuu ce yi vʉ̀ wèe kù cùu, njobè' ce làa wèe ka', ce làa ba Yʉ' Rara nè wèe.

Rbuu ba nshe a be kè mì, geewa'a wa blàa vi be kè mì à nfè' mò' ka'.

Ŋwɛ̀ yi nòŋ kɛ̀ nfè' ce buu ca vi be koni ka', ka' bcìndap Nyʉ̀ embe bùu, ka' Muu, ku yi Tàr nòŋ ba nfè' anà.

Wèe à ka' yu' enɛ a ce mà' bìr, ker yu' à mŋoo enɛ a ce mà' bìr à bdì' mò', mlù mi fa koo wèe ka'. Buu ca vi be kù koni; geewa'a nfè' ŋgòŋ yi be mì à be ghɛɛ ka'.

Banɛ wèe fa buumi ka' njobè' wèe rìŋ nfè' ce ŋwɛ̀ ndap be vʉ̀ ka'. Seemò' e be vʉ̀ à mbùuŋkùr, kɛ̀ nè ntee-tʉ', kɛ̀ à nfè' ntooŋgʉp yi toŋ, kɛ̀ à nfè' tʉ̀' à raa ɛ̀. E ka' lɛ'si vʉ̂, e fa yɛ wèe à mmirlò ka'. Yuu ce m ce làa nè wèe, m ce làa nè bèe wɛɛwɛ. Fa buumi nè ka'.”

To' yi be mà' bìr a to' mo', ŋkʉʉ mò' ma' bìr a mò', tɛ ŋgòŋ yi ci'ti à bdì' mo', tɛ njè koo. Buu ca vi be ba nè bèe àmbò à nfè' ce njeŋwɛ̀ e ke kɛ̀' ce luuti muu nà.

Bto' wɛɛwɛ vi tʉr à ryu' Nsuŋ Mbòŋmboŋ entombì.

Bèe magòr a be vʉ̀ a mɛ̌ rlii ce làa enɛ̂, a mɛ̀ ye, bo' bèe magòr tɛ a da'.

“Wèe lor nfè', njobè' a be lòr wèe dù àgho à bkansùr, lìp wèe à mndap mloo. A be tɛr wèe njeptii bgovanò ba bkʉʉ njo' mɛ̀, tɛ wèe suŋ wowèe buu kuu mɛ̀.

njobè' bèe ce a be bo'shi enɛ a wowèe Krâis, kɛ̀ enɛ a wowèe ŋgǎa ncep ntuu Nyʉ̀ ɛ̀, a be kè nyɛɛ, dùŋshi mncòo kèr gèe buu bghagha' enɛ a bo bo' ka' nè bèe ce Nyʉ̀ à m ce nà-ŋwɛ̀.

“Be ba à mnòŋ ce ŋgɛ' ca à caa tɛ nyʉ̀ liiti, tɛ ŋwɛɛ yi ker saŋ ka'. Mkàŋsì mi be gwèŋger embe bùu, tɛ buu ŋger embe bùu bsìp vi ci'tî.