Popular Bible Verses from Ñwaè' Matïìyoè 7

Паҳн кунед

“Bipshi nè tɛ a bo fa nè wèe. Ròo nè tɛ wèe bo yɛ. Kùushi nè tɛ a bo mʉ̀' kèŋ nè wèe.

Yi yu wa' njobè' ŋwɛ̀ wɛɛwɛ ce e ka' ce loo, banɛ e be koni. Ŋwɛ̀ ce e ka' ce ròo, banɛ e be yɛ. Ŋwɛ̀ ce e ka' ce kùushi, banɛ a be mʉ̀' kèŋ nè ye.

“Banɛ ŋwɛ̀ ce e ka' yu' buu ce mɛ̀ làa na, gee vi, ŋgàŋ yu àmbò ŋwɛ̀ bfee ce e m bà'ri yì ndap mbendù ryɛɛ

Banɛ yuu ce wèe ka' ce kòŋ enɛ bèe mo' a gee nè wèe, wèe gee yuu anà nè bèe mo' foŋ, njobè' yi yu mbe ŋwǎ' mncir ba mŋwǎ' ŋgǎa ncep ntuu Nyʉ̀ wa'a.

Cǔu ŋka' yǐ yi'sè ba nduunjì yǐ yi'sè yi ce dù ba à dì' rcu ce nfesè, bèe ce a ce yɛ yi, a ba mʉcàr.

“Niŋ njǐ à cǔu ŋka' ce yi yu yi'sè, njobè' cǔu ŋka' ce yi yu bɛ̀bɛr ba nduunjì ce yi yu bɛ̀bɛr yi ce dù ba à dì' rkwe ce nfesè, bèe ce a ce niŋ à cǔu ŋka' anà a ba gòr.

Wèe ce wèe yu ŋgǎa ŋgèe buu bbebep, wèe ka' riŋ à rfa buu bbòŋboŋ nè boo wee, yi ba yi kɛ àmbò yè Ta embe bùu. Mbò e be fa yi buu bbòŋboŋ se nè bèe ce a loo enɛ e fa wowèe a?

“Wèe fa sa' bèe mo' ka', tɛ a bo sa' wèe ka', njobè' njɛ̀ɛ njì ce wèe ce sa' bèe mo' ku ba njɛ̀ɛ njì ce a be kèe sa' wèe. Njɛ̀ɛ njì ce wèe à gèe yuu nè bèe mo' ku ba njɛ̀ɛ njì ce a be gèe nè wèe foŋ.

Ŋwɛ̀ ce e ka' yu' buu ce mɛ̀ làa na, ke' gee vi ka', banɛ ŋgàŋ yu àmbò lʉr ce e m bà'ri yì ndap mbendù nsaruŋ

Wɛ̀ mà'shi ntaaŋguu nje rlìr njep wɛ̀, a ce fyɛ' ba ŋkʉ̀' ce ce yi yu nfʉrò nje rlìr njokɛ? Àde' à laa nè nfʉrò enɛ̂, ‘Nàa rlir tɛ m koo wɛ̀ ŋkʉ̀' ce enjo,’ ce ntaaŋguu yu wɛ̀ nje rlìr, à njɛ̌ɛ kɛ?

“Lòr nè nfè' nè bèe ce a ce nya' mnde' enɛ a wowèe ŋgǎa ncep ntuu Nyʉ̀. Wowèe a ce vʉ̀ à ryɛ wèe, ma' ŋgùp njèe, wɛ̌ fyɛ' njep mʉ, wowèe a ba àmbò bkuura ce vi ce ròo yuu ye. Wèe be rìŋ wowèe nè yàp ndèe. Wà' àde' bèe a kʉʉ lèemʉ embe mnòo a? Wà' àde' bèe a kʉʉ piyà embe msini a?

Yi ku ba foŋ enɛ mbǎŋ bòŋboŋ yi ke yʉ mbe ce bòŋboŋ, mbǎŋ bebep yi yʉ mbe ce bebep.

Àde' mbǎŋ bebep yi yʉ mbe ce bòŋboŋ ka', àde' mbǎŋ bòŋboŋ yi yʉ mbe ce bebep ka'.

Ce ce yi ka' tɛ yʉ bòŋboŋ ka', banɛ a be gwàr, mà' njep mor.