Popular Bible Verses from Ñwaè' Matïìyoè 24

Паҳн кунед

Buu bbebep vi be kù' gòr, tɛ rkòŋnì bèe magòr li wɛnî. Ŋwɛ̀ ce e ka' ku tɛɛ tatap du ba' à lʉ̀simbùu banɛ ŋgàŋ be lùŋ.

A be fè'shi Nsuŋ Mbòŋmboŋ àmbò kʉʉ Nyʉ̀ ca à ŋgòŋ wɛɛwɛ tɛ bto' wɛɛwɛ a yu', tɛ ŋgòŋ yi ka' mì.

Wèe be yu' enɛ a ce mà' bìr, kèr yu' à mŋoo enɛ a ce mà' bìr à bdì' mo' foŋ. Wèe ka' yu' wa'a, mlù mi fa koo wèe ka'. Buu ca vi be kù koni, vi koni wa'a, yi ke' ba ba enɛ nfè' ce ŋgòŋ yi be mì à ghɛɛ ka'.

To' yi be mà' bìr a to' mo', ŋkʉʉ ma' bìr a ŋkʉʉ mò'. Njè be koo, tɛ ŋgòŋ yi ci'ti à bdì' jɛɛ jɛ̀ɛ jɛɛ. Buu ca be ba nè bèe àmbò à nfè' ce njeŋwɛ̀ e ke kɛ̀' ce luuti muu nà.

Rbuu ba nshe a be kèe mì, geewa'a wa blàa vi be kèe mì à nfè' mò' ka'.

Bèe magòr a be vʉ̀ a mɛ̌ rlii ce làa enɛ̂, ‘A mɛ̀ Krǎis anà’, bo' bèe magòr tɛ a da'.

A be koo wèe fa mbe mmbo bèe mo' tɛ a fa wèe ŋgɛ', yʉshi wèe. Bèe wɛɛwɛ a be bàa wèe njo' mɛ̀. Bèe magòr a be kʉti njìnjì, bàa wap btu, fyèni wap btu, tɛ bèe ce a ce nya' mnde' enɛ wowèe a yu ŋgǎa ncep ntuu Nyʉ̀ a nyɛɛ, bo' bèe magòr tɛ a da'.

Jisòs à beesì a laa nè wowèe enɛ̂, “Wèe lor nfè' fà dì' ŋwɛ̀ mò' bo' wèe ka'.

Banɛ wee wèe à ba tami nyor njobè' Muu Ŋwɛ̀ be vʉ̀ à nfè' ce wèe ce kwà'shi enɛ e be vʉ̀ ka'.

Banɛ wèe ce ke'ni wee btu njobè' wèe rìŋ nòŋ ce yè Tata be vʉ̀ ka'.

“À ka' ba àmbò nòŋ ba nfè' ce buu ca vi be koni, ŋwɛ̀ mò' rìŋ ka', ka' bcìndap Nyʉ̀, kɛ̀ Muu Nyʉ̀ ɛ̀. Ŋwɛ̀ ce e rìŋ, ku ba ba Tàr cà'cà'.

Bèe ce a be bo'shi enɛ a wowèe Krâis, kɛ̀ enɛ a wowèe ŋgǎa ncep ntuu Nyʉ̀, a be nyɛɛ, dùŋshi mncòo, gèe buu bghagha' ce bèe a bɛ̂ɛ, enɛ njì yi ka' ba tɛ wowèe a bo bo' ka' nè bèe ce Nyʉ̀ à m ce nà-ŋwɛ̀.

Nfè' ce Muu Ŋwɛ̀ be vʉ̀, be ba àmbò nfè' yì Nowa à m ba nà. Tɛ nfè' ce mbèŋ à m gwè mdip mi ruu a cete ŋgòŋ nà ka' ghɛɛ, bèe a m ce ye buu, a ce no buu, bbyèŋge a ce dù bgùu, mmbaŋrù a ce lòr bbyèŋge, a ku ce gèe wa'a caar a ba' nyʉ̀ ce Nowa à m niŋ mbe keŋ ŋgòr. Wowèe a riŋ yuu ce yi be koni ka', caar mdip mi ruu à ŋgòŋ, a yʉshi wowèe wɛɛwɛ. A mbò yi be ba wa'a, à nfè' ce Muu Ŋwɛ̀ ce vʉ̀.