Popular Bible Verses from LUKA 8

Паҳн кунед

Tša mmung o botse, ke ba ba kwilego Lentšu ba le lotola pelong e botse le e bolo, ba kgotlelela ba bea dienywa.

Tše di wetšego metlweng, ke ba ba rego ge ba kwile Lentšu, ba ya ba imetšwe ke dipelaelo le mahumo le mabose a bophelo bjono, ba bipja ke tšona ba se buduše selo.

Ba lekgwareng ke bao, e rego ge ba kwile Lentšu, ba le amogela ka thabo; gomme ke ba ba se nago modu, ke ba go dumela lebakanyana fela, ba hlanoga mohla wa moleko.

A bolela le bona a re: Tumelo ya lena e kae? Bona ba tlabega ba tšhogile, ba botšišana ba re: Bjale yena-e ke mang, ge a laela diphefo le meetse? Gomme di a mo kwa!

Ba tseleng, ke bao ba kwago, mme gwa tloga go etla Sathane a tloša Lentšu dipelong tša bona, gore ba se ke ba dumela ba phološwa.

Gobane ga go na thopa ye e ka se kego ya utollwa; ga go na sephiri se se ka se kego sa tsebja sa tšwela pepeneneng.

Mosadi eo ge a bona a sa ka a utagala, a tla a roromela, a phuhlama pele ga Jesu, a ipolela pele ga batho ka moka, a mmotša se se mo gapeleditšego go mo kgwatha, le ka mo a fodilego ka gona e sa le semetseng. Jesu a re: Beta pelo, morwedi waka. Tumelo ya gago e go phološitše. Sepela o rotše pelo.

Ba tla ba mo tsoša ba re: Morena! Morena! Re a lahlega! Yena a tsoga, a kgalema phefo le maphoto a meetse, mme gwa ruthela ruri.