Popular Bible Verses from LUKA 18

Паҳн кунед

A bolela ka seswantšho sa go re motho a fele a rapela a sa lape, a re

Bjale Modimo, a a ka se namolele bakgethwa ba gagwe ba ba mmitšago mosegare le bošego, le ge a ka ba letetša? Ke a le botša, o tlo ba namolela ka bjako. Fela, Morwamotho mohla a tlago a le re o tlo hwetša lefaseng go sa na le tumelo?

Jesu a re: Tše di sa kgonegego go batho, di kgonega go Modimo.

Moahlodi eo a gana gantši; a ba a eleletša a re: Le ge ke sa boife Modimo, le motho ke sa mo šie, Ke tlo mo namolela, ka gobane mohlologadi yo o a ntapiša; gore e se be ge a fela a etla ka mehla le mehla, a tlo ba a nngamola hlogo.

Ruri, ke a le botša, e a sa amogelego mmušo wa Modimo bjalo ka ngwana, a ka se ke a tsena go wona.

Jesu a ba bitša, a re: Lesang bana ba tle go nna; le se ke la ba thibela, gobane mmušo wa Modimo ke wa ba bjalo.

Jesu a re: Boela o bone! Tumelo ya gago e go phološitše.

Jesu a re: O reng o ntha yo botse? Ga go yo botse ge e se Modimo.