Popular Bible Verses from JOHANE 16

Паҳн кунед

Ditaba tše ke le boditše, gore le be le molao ka nna. Mono lefaseng le tlo ba tlalelong. Fela, betang dipelo, gobane lefase le fentšwe ke nna.

Mohla go tlile Moya wa therešo, o tlo le sepediša tsela ya therešomoka; gobane a ka se ke a bolela tša gagwe. O tlo bolela se a se kwilego, a tlo le tsebiša tše di tlogo tla.

Go fihla bjale le be le sešo la kgopela selo ka leina la ka. Kgopelang, gomme le tlo tšea, gore lethabo la lena e be le le tletšego.

Gomme ke le botša therešo ge ke re: Go a le hola ge ke tloga. Gobane ge ke sa tloge, Molwedi a ka se tle go lena. Fela, ge ke ya, ke tlo mo roma a tla go lena. Gomme yena e tlo re ge a tlile, a tlo lemoša lefase se e lego sebe, le toko le kahlolo.

Lena bjale le na le manyami. Fela, ke tlo boela ke le bona, dipelo tša lena tša tlo thaba; gomme lethabo leo la lena le ka se le amogiwe ke motho. Mme mohla woo le ka se mpotšiše selo. Ruri, ruri, ke a le botša, tšohle tše le tlogo di kgopela go Tate ka leina laka o tlo le fa.

Ruri, ruri, ke a le botša, le tlo lla la golola; mme lefase le tlo thaba, le tlo nyamišwa; fela, manyami a lena a tlo fetoga thabo.