Popular Bible Verses from DITIRO TŠA BAAPOSTOLA 2

Паҳн кунед

Petro a fetola a re: Sokologang; ka moka le kolobetšwe leineng la Jesu Kriste, e be gona go lebalelwa dibe; ke mo le tlogo fiwa neo ya Moyamokgethwa.

Bona bao ba dula e le ba go rutwa ke baapostala, ba dula e le ba go kwana, ba go ngwatha senkgwa ba le dithapelong.

Ka moka ba tlala Moya wo Mokgethwa; ba thoma go bolela ka maleme a šele, ka mo Moya o ba fago go bolela ka gona.

Ba tšhoga go kwala modumo o tšwago legodimong, eke ke wa ledimo le maatla le le tšutlago, wa tlala ngwako ka moka wo ba dutšego go wona. Ba bona go hlahlamologa maleme a kaga dikgabo tša mollo; a tla a dula godimo ga e mongwe le e mongwe wa bona. Ka moka ba tlala Moya wo Mokgethwa; ba thoma go bolela ka maleme a šele, ka mo Moya o ba fago go bolela ka gona.

Ba be ba sa lape go tla Ntlongkgethwa ka mehla, e le ba go kwana, ba go ngwatha senkgwa malapeng a bona. Ba eja dijo tša bona ba thabile, ba se na pelaelo, ba reta Modimo, ba ratwa ke batho ka moka. Mme phuthegong yeo, Morena ka mehla a eketša ba ba phološwago.

Tšeo di tlogo direga mehleng yeo ya bofelo šedi: O realo Modimo; o re: Nama yohle ke tlo e tšhela Moya wa ka; mme barwa ba lena le barwedi ba lena ba tlo porofeta; masogana a lena a tlo bona dipono; ba bagolo ba lena ba tlo lora diloro

Mme badumedi ka moka ba be ba kwana; dilo tša bona tšohle ba di hlakanya ya ba tša bohle. Ba rekiša maruo le dithoto tša bona, ba hlallela bohle ka mo motho ba bego ba mmona a hloka.

Gomme ba ba tlogo phološwa ke ba ba rapelago ina la Morena.

Letšatši le tlo fetoga leswiswi, kgwedi ya ba madi, ge go fihla tšatši le legolo le le šiišago la Morena.