Popular Bible Verses from Zlr 28

Паҳн кунед

Iʼi ná, kawadaga yu nda kagha. Dzaʼa nghay yu ta kagha ma inda vli ta dzaʼa ka. Dzaʼa vraghak vra yu ta na haɗik na, kabga haɗ yu dza zlaghata wu, katək na dzaʼa maga gha maga yu ta inda skwi ya taghaf yu ta imi ta sləməŋ, » kaʼa.

Ka sladanavatá Yawe ta vata ni, kaʼa nda tsi mantsa: « Iʼi Yawe, Lazglafta Abraham ta nzakway ka da gha, Lazglafta Izak. Nana haɗik hana ka tida na ná, dzaʼa vlagha vla yu ta kagha nda zivira gha tani.

Ka sliʼavatá Yakubu ta hani, kaʼa mantsa: « Kahwathwata, mamu Yawe hadna, si sna a yu wu! » kaʼa.

Ka waɗatá Yakubu, kaʼa mantsa: « Ka kawadaga Lazglafta nda iʼi, ka pghaf pgha tsi ta iʼi ɗughwana ma mbaɗa ɗa ta tvi, ka vliha vla tsi ta skwi ŋa zay, nda lgut ŋa suɗavata ɗa ta vgha, ka vradaghata yu ɗughwana da da ɗa katsi, mantsa tama, dzaʼa nzakway Yawe ka Lazglafta ɗa. Nana pala klaf yu ka dzugwata na ná, dzaʼa nzakway ka həga Lazglafta. Dzaʼa vlaŋ vla yu ta zaka inda skwi dzaʼa vlihata tsi, » kaʼa.

Manda tusakata rgitika haɗik dzaʼa nzakwa zivira gha. Dzaʼa ndəghanaf ndəgha ka ta vli sliʼafta ni nda təv dɗakwa fitik dikw nda ma mndəra luwa, sliʼafta ni nda ga mazlay dikw nda ga maghura. Nda ma kagha, nda ya ma zivira gha, dzaʼa tfanaghata yu ta wi ta inda mndəra mndu ta haɗik.

Ka hgə Yakubu ta tsa vli ya ka Betel. Ghalya ná, Luz si ta hga lu ta tsa vli ya.