Popular Bible Verses from Mātaio 13

Паҳн кунед

Kāreka tei rūrū'ia ki te ngā'i one meitaki ra, ko ia tei 'akarongo mai i te tuatua ē kua mārama. E 'u'ua maira ia, tēta'i ta'i 'ānere, tēta'i ono nga'uru, ē tēta'i toru nga'uru.”

Ko tei rūrū'ia ki rotopū i te ngāngā'ere ra, ko ia tei 'akarongo mai i te tuatua, pōkia atura te tuatua i te apiapi o te ora'anga nei ē te pikika'a o te 'apinga nui, ē kāre atura i 'ua mai.

Kia 'akarongo mai tēta'i 'ua atu tangata i te tuatua o te bāsileia nei ē kāre aia i mārama, tē 'aere maira te Mea Kino e rave atura i tei rūrū'ia ki roto i tōna ngākau. Ko te 'ua tēia tei rūrū'ia ki te pae arāta'a ra.

Ko tei rūrū'ia ki te ngā'i paikea ra, ko ia tei 'āriki viviki i te tuatua ma te rekareka i te 'akarongo'anga. Kāre rā i aka'ia i roto i aia, 'e tāpū'anga poto 'ua tāna. Kia tupu 'oki tēta'i tūmatetenga, mē kāre rā, tēta'i tākinga kino'anga nō te tuatua, takakē tākiri atura ia aia i reira ra.

“E 'āite te bāsileia o te ao ra ki tēta'i 'apinga pu'apinga i 'u'una'ia i roto i te koro. E kitea i'ora e tēta'i tangata, kua 'u'una rava atura aia, ē nō tōna rekareka, kua 'aere atura e 'oko atu i te au 'apinga tini rava rāi nāna ra, ē kua 'oko maira i taua kāinga ra.”

Topa i'ora ēta'i 'ua ki te ngā'i one meitaki ē kua 'u'ua i'ora, tēta'i e ta'i 'ānere, tēta'i e ono nga'uru, ē tēta'i e toru nga'uru.

E 'akaruke 'ua, kia tupu kāpipiti ē kia mou. Ē kia tae ki te tuātau kokoti'anga i te mou ra, ka 'akakite au ki te aronga kokoti ra, E nā mua i te 'akaputuputu i te tītānia ē ruru 'aere nō te a'i; 'akaputu rā i te sītona ki roto i taku 'are vairanga ra.’ ”