Popular Bible Verses from LUKA 13

Паҳн кунед

Ani chuan an hnênah, “Kawngka zîmah chuan luh tum hrâm rawh u; ka hrilh a che u, mi tam takin luh an tum ang a, an thei lo vang.

Hmeichhe pakhat, kum sâwm leh pariat thlarau sualin a tihnat tawh a lo awm a, a kun reng a, a ding char thei tawh hauh lo va. Isuan ani chu a han hmuhin a ko va, “Hmeichhia, i natna chuan a thlah ta a che,” a ti a.

A chungah chuan a kut a nghat a, a ding char thei ta nghâl a. Pathian a fak ta a.

Ngai teh u, hnuhnûng berte pawh la hmasa ber tûr an awm a, hmasa berte pawh la hnuhnûng ber tûr an awm,” a ti a.

In neitupa a thawha, kawng a kalh tawh hnu chuan, nangnin pâwna dingin, ‘ka pu, kawng min hawn rawh,’ tiin va kik mah ula, ani chuan, ‘Khawi lama mi nge in nih ka hre lo va che u,’ tiin a lo chhâng dah ang che u.

Sual bîk suh e, ka hrilh a che u, nangni pawh in sim loh chuan chutiang bawkin in boral ve ang,” a ti a.

ani erawh chuan, ‘Ka hrilh a che u, khawi lama mi nge in nih ka hre lo a che u; nangni thil sual ti zawng zawngte u, ka hnên ata kal bo vek rawh u,’ a la ti ang che u.

Chutichuan, ani chuan, “Pathian ram chu eng ang nge ni? Anṭam chi fang khat miin a lâka, huana a theh ang hi a ni; a lo ṭiak a, thing a lo ni a, chunglêng savate a zârah an riak ṭhîn,” a ti a.