Ayta, Mag-Indi (NT) - WBT Version (Non-Drama)

Aytan Mag-Indi

<div class="version vid2765 iso6393blx" data-vid="2765" data-iso6393="blx">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">Pinaiyul Jesus ya gisay liyaki ya lumpu</div><div class="r">(Marcos 2:1-12; Lucas 5:17-26)</div><div class="p"> 1Kabay nagsakay silan Jesus sa bangka buy naku sila sa lipay lawa. Pamakalat&#234;ng la baydu, nuli ya sa Capernaum sa sarili nan balayan. 2Am&#234;s&#234;n, gintan kanan dakun umnuy tawu ya gisay liyaki ya lumpu ya idi sa kalapayan na. S&#234;n nakitan Jesus ya maragul la panampalataya la kana, sinabi na sa liyaki ya lumpu, &#8220;Anak kuway, pas-&#234;y&#234;n muy nak&#234;m mu, ta pinatawad day mani kasalanan mu.&#8221;</div><div class="p"> 3Dilag &#234;t baydun mani manurun Kautusan ya mangisip paradi, &#8220;Pallamusun yan tawun ati si Bapan Namalyari ta!&#8221;</div><div class="p"> 4Nuwa tandan Jesus ya pan-isipin la. Kabay sinabi na, &#8220;Awta mangisip kaw yan nadawak ta? 5Mas nal&#234;p-aw sabin sa liyaki ya lumpuy, &#8216;Pinatawad danay mani kasalanan mu,&#8217; gawan a yu makit nu pinatawad o as&#234;. Nuwa sabin ku kanay, &#8216;Mid&#234;ng ka buy mita ka&#8217; 6am&#234;n makitan yuy sikuy ubat sa langit ta in-Anak Tawu, dilag gakun kapangyarian baydi sa babun lutan mamatawad mani kasalanan.&#8221; Buy sinabi na sa liyaki ya lumpu, &#8220;Mid&#234;ng ka, g&#234;tan muy kalapayan mu buy muli kayna!&#8221;</div><div class="p"> 7Kabay nid&#234;ng yabay ya liyaki buy nuli. 8S&#234;n nakit mani tawuy nalyari, nakaupapas buy nangulim&#234;n sila kan Bapan Namalyari ya nam-in parabayduy kapangyarian sa gisay tawu.</div><div class="s">Bin&#234;g Jesus si Mateo</div><div class="r">(Marcos 2:13-17; Lucas 5:27-32)</div><div class="p"> 9Pamakabitan Jesus baydu, nakitan nay gisay liyaki ya naglagyun Mateo ya nakaiknu sa pamayaran buwis. Sinabin Jesus kana, &#8220;Kilaku ka kangku.&#8221; Kabay nid&#234;ng si Mateo buy nakilaku kan Jesus.</div><div class="p"> 10Kaban mangan si Jesus buy mani tagasunul na sa balin Mateo, nipallumat&#234;ng nga malak&#234;y maningil buwis buy kaatag pun na pan-ituwad makasalanan ya napagkaawyun lan mangan. 11S&#234;n nakitan mani Pariseoy abiin, pinatang lay mani tagasunul Jesus, &#8220;Uysiyan makiawyun yay manuru yun mangan sa mani maningil buwis buy sa kaatag pun mani makasalanan ta?&#8221;</div><div class="p"> 12S&#234;n nal&#234;ng&#234;n Jesus ya abitu, sinabi na, &#8220;As&#234; mangaylangan manuluy tawuy ayin sakit, nun a abituy tawuy nagsakit. 13Mita kaw buy pakaisipin yu nu sab&#234;t ta labay sabin ati ya idi sa kasulatan, &#8216;Alwan andug yu kangkuy labay ku, nun a magin mapallunus kaw.&#8217; Tagawan naku waku baydi am&#234;n b&#234;g&#234;n na mani tawuy makasalanan, alwan abitu silay mani tawuy magsabin ayin silan kasalanan.&#8221;</div><div class="s">Ya patang tungkul sa pag-ayunu</div><div class="r">(Marcos 2:18-22; Lucas 5:33-39)</div><div class="p"> 14Dilag dakun umnuy tagasunul Juan ya Mamawtismu ya naku kan Jesus buy namatang, &#8220;Uysiyan sikay buy mani Pariseoy pawa kay mag-ayunu,#9:14 Ya pag-ayunu la, luway besis sa gisay duminggu (Lucas 18:12). pakan mani tagasunul muy a yata?&#8221;</div><div class="p"> 15Kabay in-alimbawan Jesus ya sarili na sa liyaki ya pan-itang&#234;n, &#8220;Malyari nayin mag-ayunuy mani bisita sa tang&#234;nan pakan kaawyun la pun na liyaki ya pan-itang&#234;n? As&#234;! Nuwa lumat&#234;ng nga alluy k&#234;w&#234;n kallay liyaki ya pan-itang&#234;n. Sa panawun abiin, baydu sila pun mag-ayunu.&#8221;</div><div class="p"> 16Sinabin Jesus kallay mani paalimbawa, &#8220;Ayin mamilanib bayuy yaming sa manan yaming. Tagawan nu mikuyum ma bayuy yaming, mapaktang nga manan yaming buy luyang dumagul la ginit. 17Ayin &#234;t mamitiis bayuy alak sa manan pamyanan na diyag sa balat, tagawan matl&#234;s ya pamyanan buy mibulug ga alak. Parisu silan masayang! Ya bayuy alak, s&#234;pat itiis sa bayuy pamyanan. Sa pakapakun baydu, parisu silan mabuyutan.&#8221;</div><div class="s">Ya anak mamunu buy ya babayi ya day&#234;n</div><div class="r">(Marcos 5:21-43; Lucas 8:40-56)</div><div class="p"> 18Kaban pansabin nay ati, inlumat&#234;ng nga gisay mamunu sa balin pagtipunan mani Judio. Nanduku ya buy nakisabi kan Jesus, &#8220;Kapimati pun anak kuy babayi. Nu malyari dayin kay&#234;k, lakw&#234;n muya pun buy ipaluntu muy gam&#234;t mu kana am&#234;n bumyay ya.&#8221; 19Kabay nakilaku kana si Jesus buy mani tagasunul na.</div><div class="p"> 20-21Kaban mamita sila, dilag gisay babayi ya nagdani sa bukut Jesus. Ya babayin ati, mapu buy luway tawun nan day&#234;n. Sinabin babayi sa nak&#234;m na, &#8220;Madukpan kuta dayi ya yaming na, umiyul lakina.&#8221; Kabay dinukpan nay palpal yaming Jesus.</div><div class="p"> 22Nangawing si Jesus buy nakitan nay babayi. Sinabi na, &#8220;Anak kuway, pas-&#234;y&#234;n muy nak&#234;m mu. Inumiyul ka gawan sa panampalataya mu.&#8221; Kabay tamb&#234;ng inumiyul la babayi.</div><div class="p"> 23S&#234;n pamakalat&#234;ng Jesus sa balin mamunu sa pagtipunan, nakitan nay manigtig buy malak&#234;y tawuy matarit. 24Sinabi na, &#8220;Mag-awas kaw pun, ta as&#234; nati ya anak! Kay mamab&#234;l&#234;w ya.&#8221; Gawan sa sinabi na, inuyam laya. 25S&#234;n nag-awas ya mani tawu, sinumun si Jesus, ta tinalan nay gam&#234;t anak buy nimata ya. 26Ya dinyag Jesus, niwagaw sa kaganawan balayan baydu.</div><div class="s">Pinaiyul Jesus ya luway bulag</div><div class="p"> 27Pamakabitan Jesus baydu, pikilakwan yan luway bulag ga liyaki ya masn&#234;g magsabin, &#8220;Layin Arin David, kalunusan mukay ya kay&#234;k!&#8221;</div><div class="p"> 28Pamakalat&#234;ng Jesus sa bali ya bibiyan na, nagdani kanay mani bulag. Pinatang silan Jesus, &#8220;Manampalataya kaw nayi ya mapaiyul kataw?&#8221;</div><div class="p">Nakitbay sila, &#8220;Awuy Panginuun.&#8221;</div><div class="p"> 29Kabay dinukpan Jesus ya mata la buy sinabi na, &#8220;Gawan sa panampalataya yu kangku, makakit kawna.&#8221; 30Kabay nakakit yabay ya luway bulag. Masipit intipan Jesus kallay, &#8220;Agana yu sabin na nalyari kamuyu agyan kansab&#234;t man.&#8221;</div><div class="p"> 31Nuwa s&#234;n nakabitay nay luwa, inwagaw-wagaw lay dinyag Jesus sa buun lugal abitu.</div><div class="s">Pinaiyul Jesus ya pipi</div><div class="p"> 32Kaban pabitay na silan Jesus, dilag gintan kanay gisay liyaki ya pinapipin nadawak ka ispiritu. 33Impatas Jesus ya nadawak ka ispiritu. Kabay nakapagsabi ya. Nakaupapas ya mani tawu buy sinabi la, &#8220;Agyan kanuman, ayin pun nalyari ya paradi sa buun Israel.&#8221;</div><div class="p"> 34Nuwa sinabin mani Pariseo, &#8220;Si Satanas ya puun nangadadawak ka ispiritu, sabay ya nam-in kapangyarian kanan mamipatas nangadadawak ka ispiritu.&#8221;</div><div class="s">Nalunus si Jesus sa mani tawu</div><div class="p"> 35Inlakun Jesus ya mani balayan buy mani baryu buy sinumun ya sa mani balin pagtipunan mani Judio am&#234;n manuru. In-aral nay Mang&#234;d da Balita tungkul sa pag-arin Bapan Namalyari. Pinaiyul na &#234;t ta kaganawan tawuy dilag magmikakanayun na sakit buy dilag mangatanam. 36S&#234;n nakitan Jesus ya malak&#234;y tawu, nalunus ya kalla gawan nakit nay maguluy isip la buy ayin tan manawup kalla. Para silan tupay ayin magpastul. 37Kabay sinabi na sa mani tagasunul na, &#8220;El&#234;w&#234;n yuy malak&#234;y tawuy nakal-an magpasakup kan Bapan Namalyari ya paran pali ya pupulun, nuwa p&#234;p&#234;rad da mamupul. 38Kabay manalangin kaw sa Panginuun na magbandin pampupulun ya miutus yapun mamupul.&#8221;</div>
 </div>
 </div>
</div>

Kabay nagsakay silan Jesus sa bangka buy naku sila sa lipay lawa. Pamakalatêng la baydu, nuli ya sa Capernaum sa sarili nan balayan. Amêsên, gintan kanan dakun umnuy tawu ya gisay liyaki ya lumpu ya idi sa kalapayan na. Sên nakitan Jesus ya maragul la panampalataya la kana, sinabi na sa liyaki ya lumpu, “Anak kuway, pas-êyên muy nakêm mu, ta pinatawad day mani kasalanan mu.”
Dilag êt baydun mani manurun Kautusan ya mangisip paradi, “Pallamusun yan tawun ati si Bapan Namalyari ta!”
Nuwa tandan Jesus ya pan-isipin la. Kabay sinabi na, “Awta mangisip kaw yan nadawak ta? Mas nalêp-aw sabin sa liyaki ya lumpuy, ‘Pinatawad danay mani kasalanan mu,’ gawan a yu makit nu pinatawad o asê. Nuwa sabin ku kanay, ‘Midêng ka buy mita ka’ amên makitan yuy sikuy ubat sa langit ta in-Anak Tawu, dilag gakun kapangyarian baydi sa babun lutan mamatawad mani kasalanan.” Buy sinabi na sa liyaki ya lumpu, “Midêng ka, gêtan muy kalapayan mu buy muli kayna!”
Kabay nidêng yabay ya liyaki buy nuli. Sên nakit mani tawuy nalyari, nakaupapas buy nangulimên sila kan Bapan Namalyari ya nam-in parabayduy kapangyarian sa gisay tawu.


Pamakabitan Jesus baydu, nakitan nay gisay liyaki ya naglagyun Mateo ya nakaiknu sa pamayaran buwis. Sinabin Jesus kana, “Kilaku ka kangku.” Kabay nidêng si Mateo buy nakilaku kan Jesus.
Kaban mangan si Jesus buy mani tagasunul na sa balin Mateo, nipallumatêng nga malakêy maningil buwis buy kaatag pun na pan-ituwad makasalanan ya napagkaawyun lan mangan. Sên nakitan mani Pariseoy abiin, pinatang lay mani tagasunul Jesus, “Uysiyan makiawyun yay manuru yun mangan sa mani maningil buwis buy sa kaatag pun mani makasalanan ta?”
Sên nalêngên Jesus ya abitu, sinabi na, “Asê mangaylangan manuluy tawuy ayin sakit, nun a abituy tawuy nagsakit. Mita kaw buy pakaisipin yu nu sabêt ta labay sabin ati ya idi sa kasulatan, ‘Alwan andug yu kangkuy labay ku, nun a magin mapallunus kaw.’ Tagawan naku waku baydi amên bêgên na mani tawuy makasalanan, alwan abitu silay mani tawuy magsabin ayin silan kasalanan.”


Dilag dakun umnuy tagasunul Juan ya Mamawtismu ya naku kan Jesus buy namatang, “Uysiyan sikay buy mani Pariseoy pawa kay mag-ayunu, pakan mani tagasunul muy a yata?”
Kabay in-alimbawan Jesus ya sarili na sa liyaki ya pan-itangên, “Malyari nayin mag-ayunuy mani bisita sa tangênan pakan kaawyun la pun na liyaki ya pan-itangên? Asê! Nuwa lumatêng nga alluy kêwên kallay liyaki ya pan-itangên. Sa panawun abiin, baydu sila pun mag-ayunu.”
Sinabin Jesus kallay mani paalimbawa, “Ayin mamilanib bayuy yaming sa manan yaming. Tagawan nu mikuyum ma bayuy yaming, mapaktang nga manan yaming buy luyang dumagul la ginit. Ayin êt mamitiis bayuy alak sa manan pamyanan na diyag sa balat, tagawan matlês ya pamyanan buy mibulug ga alak. Parisu silan masayang! Ya bayuy alak, sêpat itiis sa bayuy pamyanan. Sa pakapakun baydu, parisu silan mabuyutan.”


Kaban pansabin nay ati, inlumatêng nga gisay mamunu sa balin pagtipunan mani Judio. Nanduku ya buy nakisabi kan Jesus, “Kapimati pun anak kuy babayi. Nu malyari dayin kayêk, lakwên muya pun buy ipaluntu muy gamêt mu kana amên bumyay ya.” Kabay nakilaku kana si Jesus buy mani tagasunul na.
Kaban mamita sila, dilag gisay babayi ya nagdani sa bukut Jesus. Ya babayin ati, mapu buy luway tawun nan dayên. Sinabin babayi sa nakêm na, “Madukpan kuta dayi ya yaming na, umiyul lakina.” Kabay dinukpan nay palpal yaming Jesus.
Nangawing si Jesus buy nakitan nay babayi. Sinabi na, “Anak kuway, pas-êyên muy nakêm mu. Inumiyul ka gawan sa panampalataya mu.” Kabay tambêng inumiyul la babayi.
Sên pamakalatêng Jesus sa balin mamunu sa pagtipunan, nakitan nay manigtig buy malakêy tawuy matarit. Sinabi na, “Mag-awas kaw pun, ta asê nati ya anak! Kay mamabêlêw ya.” Gawan sa sinabi na, inuyam laya. Sên nag-awas ya mani tawu, sinumun si Jesus, ta tinalan nay gamêt anak buy nimata ya. Ya dinyag Jesus, niwagaw sa kaganawan balayan baydu.

Pamakabitan Jesus baydu, pikilakwan yan luway bulag ga liyaki ya masnêg magsabin, “Layin Arin David, kalunusan mukay ya kayêk!”
Pamakalatêng Jesus sa bali ya bibiyan na, nagdani kanay mani bulag. Pinatang silan Jesus, “Manampalataya kaw nayi ya mapaiyul kataw?”
Nakitbay sila, “Awuy Panginuun.”
Kabay dinukpan Jesus ya mata la buy sinabi na, “Gawan sa panampalataya yu kangku, makakit kawna.” Kabay nakakit yabay ya luway bulag. Masipit intipan Jesus kallay, “Agana yu sabin na nalyari kamuyu agyan kansabêt man.”
Nuwa sên nakabitay nay luwa, inwagaw-wagaw lay dinyag Jesus sa buun lugal abitu.

Kaban pabitay na silan Jesus, dilag gintan kanay gisay liyaki ya pinapipin nadawak ka ispiritu. Impatas Jesus ya nadawak ka ispiritu. Kabay nakapagsabi ya. Nakaupapas ya mani tawu buy sinabi la, “Agyan kanuman, ayin pun nalyari ya paradi sa buun Israel.”
Nuwa sinabin mani Pariseo, “Si Satanas ya puun nangadadawak ka ispiritu, sabay ya nam-in kapangyarian kanan mamipatas nangadadawak ka ispiritu.”

Inlakun Jesus ya mani balayan buy mani baryu buy sinumun ya sa mani balin pagtipunan mani Judio amên manuru. In-aral nay Mangêd da Balita tungkul sa pag-arin Bapan Namalyari. Pinaiyul na êt ta kaganawan tawuy dilag magmikakanayun na sakit buy dilag mangatanam. Sên nakitan Jesus ya malakêy tawu, nalunus ya kalla gawan nakit nay maguluy isip la buy ayin tan manawup kalla. Para silan tupay ayin magpastul. Kabay sinabi na sa mani tagasunul na, “Elêwên yuy malakêy tawuy nakal-an magpasakup kan Bapan Namalyari ya paran pali ya pupulun, nuwa pêpêrad da mamupul. Kabay manalangin kaw sa Panginuun na magbandin pampupulun ya miutus yapun mamupul.”

Listen to Mateo 9