The Sentani New Testament (Indonesia) for DBL

Allahle a neme heteungekoke homofae

<div class="version vid2526 iso6393set" data-vid="2526" data-iso6393="set">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">Hemboni Rela Mere Ikileuboke Ro U Bulu-Bulu Mo</div><div class="p"> 1Yesus na moisa orowate yore nda ahuba huweumi, &#8220;Ro mbai hembonilo relalo. Naei abu ako yae nebei ro naei rambun yoni-yoni nendon heraeyele are hiwa yo yae a mainyeneke. 2Nebei abu ako kaeneungekoke, weunge, &#8216;Waei a boroukokale hului weyae u bulu-bulu bele ro. Raei rambun yoni-yoni weyae yaroukokae nane merau mokoukokae na helen homone moloiko roweime, rabuhine ban ninae weyae mokoukokae.&#8217; &#8221;</div><div class="p"> 3&#8220;Nda abu ako u bene baeiso-baeiso kowole, &#8216;Naendae wanen mae mokorebonde? Nda ro hukensehindena, rahe kaliabe mokorele? Kani nei-nyeise reyae elae ban wake ban koyale, a ri-ti fe mo nde riyende!&#8217; 4Nebeisa elele, &#8216;Ninae u bene nekeufehike. Hukensehinde ya bae, raei kahili naei imaere erelene ei haungaisele naeise nda me ure mokorebonde.&#8217;</div><div class="p"> 5&#8220;Nebei abu ako na rowa naei rambun yaraikoke yo kaeneumikoke mekate mo weumi, &#8216;Raei rowale rambun mayae yaraukoke nebeibe namman eheikoi ebaeisoi naennaen hului honate?&#8217;</div><div class="p"> 6&#8220;Ro mbai nendo yae weunge, &#8216;Raei minyak zaitunda helai 100.&#8217;</div><div class="p">&#8220;Nebei abu ako yae weunge, &#8216;Mbae nda homo niyae 50 hele yae moloiko.&#8217;</div><div class="p"> 7&#8220;Ro bee nendore hineunge, &#8216;Aka baeke, waei kayee naennaen hului?&#8217;</div><div class="p">&#8220;Nebei ro yae weunge, &#8216;Raei gandum holoboi 1000.&#8217;</div><div class="p">&#8220;Abu ako yae weunge, &#8216;Nda homo moloi niyae moloiko holoboi 800.&#8217;</div><div class="p"> 8&#8220;Naei u bene holoka koukokene, nebei u bulu-bulu u mekaise na rowa yae buma kaewounge. Nda kani kelana wali beko nibine orate ro miyae naei riyane bele a mokoi-mokoise meli mekai ayeukoke Raei are borate hakoyate yora.&#8221; 9Reyae wamale, nda kani kelana rambun yoni-yoni yae ro hi miyae hire hakoumiyendere, nebei wanen maere kahili wafeufe arilewende. Here mende, nda rambun yoni-yoni erabuhi ban inyaibonde nane merau surgare eweufinde ro bele melaeinyayeibote.</div><div class="p"> 10&#8220;Ro mbai rambun ebibire kayaa foi hebende, foi yae mokondene, nebei ro mbai rambun kabande rabo halaete. Ro hi rambun ebibira kayaa foi ehebei, foi omokoinye, rambun kabande rabore ehalei sului. 11Nda kanina kelana rambun yoni-yoni mai mene rabore ehalei huluinya, surgana rambun yoni-yoni bele nde yae mai mene rabo halende? 12Ro miyae hiwa naei rambun waei menare rabore ehaleinya, nde yae waei naei rambun inyete?</div><div class="p"> 13&#8220;Ro mbai rowa bee naei kaliare omokoiboi sului. Rabuhine ban hire kena ikele konende, hire kena buhae hennele nane merau hire angkaei boronnele, hire oboroi. Nebei sului mbai Allahre boroyainye yo, roi naei yebaei bubaeise eyeiboi sului.&#8221;</div><div class="p"> 14Farisi holona yo Yesus huwoumi a angkaei yae borowate. Roise kena kaban kowatene, Yesusre aukaka kowainye. 15Nebeibe Yesus weumi, &#8220;Mare ro miyae naei, bene mai wali ijen mae elembe, nebeibe Allah mai kena u ei bele isaeyeuboke. Ro miyae yae ro bele elande rambunde, Allah ro ban mae ereunge.</div><div class="p"> 16&#8220;Musale walora wali heere foloukoke homofae bele Allahle yenjo kayaayo homone molaikoke bele a faeufe huwaimi meke Yohanes bure kowoumi kiyaele heene. Nebei heera Allah merau raungehike Naei holona ro miyae Raei me kelee u keleene nekenate a faeufe huwammi. Nda hee ro miyae elae relaeinye Raei me kelee u keleene nekate yo holone enayembondere. 17Nda kani kela bele yaku bele nendon mekai nundenaibonde, nebeibe Musale walora wali heere foloukokene honate a mbai sambai ehobeikoi sului.</div><div class="p"> 18&#8220;Nde na miyae nennehinde benen miyae hibe rowendena, nebei kiyae u bekobe mokouboke. Ro mbai miyae nenainyehindebe rowende nekenetena, nebei nane merau u bekobe mokouboke.&#8221;</div><div class="s">Hembonilo Relalole, Lazarusle</div><div class="p"> 19Nebeisa Yesus benen weumi, &#8220;Ro mbai hemboni rela, kuikui maemae nolone nekeweke. Ambelae foi-foi bun-bun neyae hireweke, nime nolo kaungei nolone nekeweke. 20Ro mbai naei wali a ri-ti yae riyeweke, na ro Lazarus, na uwa u bauwau wae feleungeboke koweke. Nare hemboni rela bele kiyaele imae romau bene nekainyele honowole. 21Na moni kolere, hemboni rela bele kiyae anele raman mohi-mohi balatere anengkondere bele yoku yae mekate na bauwaube faeu wae efelaeiwate.</div><div class="p"> 22&#8220;Nebeisa Lazarus hereke malaikat-malaikat yae yawainyehoke ekate surgane Abrahambe bokone hainyeboke. Hemboni rela bele kiyae nane merau hereke ai moloufake. 23Narakare eke u buhae wa buhae hele hubawounge. Na ijoko narakara erewole bae, nahau felera Abrahambe erekeunge nekele Lazarus na bokone. 24Nda ro yae kaenele, &#8216;Yobe Abraham! Rare kena buhae korekomae ya. Ra u buhae kaban sele nda i nolone hubanale Lazarus wenemae na mengkamaunge bu yaweufiube meube raei faeu ranne raufehiube ya.&#8217;</div><div class="p"> 25&#8220;Nebeibe Abraham mae weunge, &#8216;Kelu, bene nekayete, wa wali heki foi yoni-yoni nemene ninae hubawekae, Lazarus yae bekobe hubawounge. Nda hee neyae ndane foi mekeufubaunge, weyae beko mekaehubanae. 26Nebei mo ban, nane merau aei nolone bo (a bulu) kabani hele honole. Ndana yo nebeise ofoi, nebeinya yo ndare emei!&#8217;</div><div class="p"> 27&#8220;Nda ro yae weunge, &#8216;Nebei uwana, Lazarusbe weinye maekole bokore eu. 28Nebeinya maeka naei rauwake wa nemene maehae mbai. Nda u buhae wa buhae hubayanne anuwaufe emeijae hele naeise Lazarus ende angkaa yobommibonde.&#8217;</div><div class="p"> 29&#8220;Nebeibe Abraham mae weunge, &#8216;Musale walora wali heere foloukoke homofae bele Allahle yenjo kayaayo molaikoke homofae bele nemene na mena ekaisonate. Nebeinye erenate hakonate!&#8217;</div><div class="p"> 30&#8220;Nebeibe nda ro yae weunge, &#8216;Nebei homofae koi-koise neyae kena ban nekeyate. Ro mbai herende benen walembonde naei bokore endena, neyae nulu kemmibonde.&#8217;</div><div class="p"> 31&#8220;Nebeibe Abraham mae weunge, &#8216;Musalena, Allahle yenjo kayaayo naeinya honate homofaena a neyae moi yae bulenainyelena, ro miyae hereubera aungube horo londe bae neyae be ebukeisi.&#8217; &#8221;</div>
 </div>
 </div>
</div>

Yesus na moisa orowate yore nda ahuba huweumi, “Ro mbai hembonilo relalo. Naei abu ako yae nebei ro naei rambun yoni-yoni nendon heraeyele are hiwa yo yae a mainyeneke. Nebei abu ako kaeneungekoke, weunge, ‘Waei a boroukokale hului weyae u bulu-bulu bele ro. Raei rambun yoni-yoni weyae yaroukokae nane merau mokoukokae na helen homone moloiko roweime, rabuhine ban ninae weyae mokoukokae.’ ”
“Nda abu ako u bene baeiso-baeiso kowole, ‘Naendae wanen mae mokorebonde? Nda ro hukensehindena, rahe kaliabe mokorele? Kani nei-nyeise reyae elae ban wake ban koyale, a ri-ti fe mo nde riyende!’ Nebeisa elele, ‘Ninae u bene nekeufehike. Hukensehinde ya bae, raei kahili naei imaere erelene ei haungaisele naeise nda me ure mokorebonde.’
“Nebei abu ako na rowa naei rambun yaraikoke yo kaeneumikoke mekate mo weumi, ‘Raei rowale rambun mayae yaraukoke nebeibe namman eheikoi ebaeisoi naennaen hului honate?’
“Ro mbai nendo yae weunge, ‘Raei minyak zaitunda helai 100.’
“Nebei abu ako yae weunge, ‘Mbae nda homo niyae 50 hele yae moloiko.’
“Ro bee nendore hineunge, ‘Aka baeke, waei kayee naennaen hului?’
“Nebei ro yae weunge, ‘Raei gandum holoboi 1000.’
“Abu ako yae weunge, ‘Nda homo moloi niyae moloiko holoboi 800.’
“Naei u bene holoka koukokene, nebei u bulu-bulu u mekaise na rowa yae buma kaewounge. Nda kani kelana wali beko nibine orate ro miyae naei riyane bele a mokoi-mokoise meli mekai ayeukoke Raei are borate hakoyate yora.” Reyae wamale, nda kani kelana rambun yoni-yoni yae ro hi miyae hire hakoumiyendere, nebei wanen maere kahili wafeufe arilewende. Here mende, nda rambun yoni-yoni erabuhi ban inyaibonde nane merau surgare eweufinde ro bele melaeinyayeibote.
“Ro mbai rambun ebibire kayaa foi hebende, foi yae mokondene, nebei ro mbai rambun kabande rabo halaete. Ro hi rambun ebibira kayaa foi ehebei, foi omokoinye, rambun kabande rabore ehalei sului. Nda kanina kelana rambun yoni-yoni mai mene rabore ehalei huluinya, surgana rambun yoni-yoni bele nde yae mai mene rabo halende? Ro miyae hiwa naei rambun waei menare rabore ehaleinya, nde yae waei naei rambun inyete?
“Ro mbai rowa bee naei kaliare omokoiboi sului. Rabuhine ban hire kena ikele konende, hire kena buhae hennele nane merau hire angkaei boronnele, hire oboroi. Nebei sului mbai Allahre boroyainye yo, roi naei yebaei bubaeise eyeiboi sului.”
Farisi holona yo Yesus huwoumi a angkaei yae borowate. Roise kena kaban kowatene, Yesusre aukaka kowainye. Nebeibe Yesus weumi, “Mare ro miyae naei, bene mai wali ijen mae elembe, nebeibe Allah mai kena u ei bele isaeyeuboke. Ro miyae yae ro bele elande rambunde, Allah ro ban mae ereunge.
“Musale walora wali heere foloukoke homofae bele Allahle yenjo kayaayo homone molaikoke bele a faeufe huwaimi meke Yohanes bure kowoumi kiyaele heene. Nebei heera Allah merau raungehike Naei holona ro miyae Raei me kelee u keleene nekenate a faeufe huwammi. Nda hee ro miyae elae relaeinye Raei me kelee u keleene nekate yo holone enayembondere. Nda kani kela bele yaku bele nendon mekai nundenaibonde, nebeibe Musale walora wali heere foloukokene honate a mbai sambai ehobeikoi sului.
“Nde na miyae nennehinde benen miyae hibe rowendena, nebei kiyae u bekobe mokouboke. Ro mbai miyae nenainyehindebe rowende nekenetena, nebei nane merau u bekobe mokouboke.”

Nebeisa Yesus benen weumi, “Ro mbai hemboni rela, kuikui maemae nolone nekeweke. Ambelae foi-foi bun-bun neyae hireweke, nime nolo kaungei nolone nekeweke. Ro mbai naei wali a ri-ti yae riyeweke, na ro Lazarus, na uwa u bauwau wae feleungeboke koweke. Nare hemboni rela bele kiyaele imae romau bene nekainyele honowole. Na moni kolere, hemboni rela bele kiyae anele raman mohi-mohi balatere anengkondere bele yoku yae mekate na bauwaube faeu wae efelaeiwate.
“Nebeisa Lazarus hereke malaikat-malaikat yae yawainyehoke ekate surgane Abrahambe bokone hainyeboke. Hemboni rela bele kiyae nane merau hereke ai moloufake. Narakare eke u buhae wa buhae hele hubawounge. Na ijoko narakara erewole bae, nahau felera Abrahambe erekeunge nekele Lazarus na bokone. Nda ro yae kaenele, ‘Yobe Abraham! Rare kena buhae korekomae ya. Ra u buhae kaban sele nda i nolone hubanale Lazarus wenemae na mengkamaunge bu yaweufiube meube raei faeu ranne raufehiube ya.’
“Nebeibe Abraham mae weunge, ‘Kelu, bene nekayete, wa wali heki foi yoni-yoni nemene ninae hubawekae, Lazarus yae bekobe hubawounge. Nda hee neyae ndane foi mekeufubaunge, weyae beko mekaehubanae. Nebei mo ban, nane merau aei nolone bo (a bulu) kabani hele honole. Ndana yo nebeise ofoi, nebeinya yo ndare emei!’
“Nda ro yae weunge, ‘Nebei uwana, Lazarusbe weinye maekole bokore eu. Nebeinya maeka naei rauwake wa nemene maehae mbai. Nda u buhae wa buhae hubayanne anuwaufe emeijae hele naeise Lazarus ende angkaa yobommibonde.’
“Nebeibe Abraham mae weunge, ‘Musale walora wali heere foloukoke homofae bele Allahle yenjo kayaayo molaikoke homofae bele nemene na mena ekaisonate. Nebeinye erenate hakonate!’
“Nebeibe nda ro yae weunge, ‘Nebei homofae koi-koise neyae kena ban nekeyate. Ro mbai herende benen walembonde naei bokore endena, neyae nulu kemmibonde.’
“Nebeibe Abraham mae weunge, ‘Musalena, Allahle yenjo kayaayo naeinya honate homofaena a neyae moi yae bulenainyelena, ro miyae hereubera aungube horo londe bae neyae be ebukeisi.’ ”

Listen to Lukas 16