The Sentani New Testament (Indonesia) for DBL

Allahle a neme heteungekoke homofae

<div class="version vid2526 iso6393set" data-vid="2526" data-iso6393="set">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Yesusle Samariana Maengke Bele A Elewote</div><div class="p"> 1Farisi holona borowate, ro miyae helen sele Yesusre hakowainye nane merau bu kowoumi. Ro miyae name keli mo Yohanesre hakowainye. 2Naeinya hesele Yesus Nenaeijae ro miyaere bu okoi, na moisa orowate yo yae kowaimi. 3Farisi holona nda a borokate Yesus isaeyeubokene, Yudea kani nukeungeboke beufoke Galilea kanire ewole.</div><div class="p"> 4Naei ende nibi Samaria kanira hele nensande fondere. 5Samaria kanina yo mbai Sikarre eke. Nebei yo kelaeunge nendahina Yahudi ro miyae naei yobe kaban Yakob yae kani ebi na kelu Yusufre kinyeungeboke. 6Nebeinye Yakuble rotebu (bu hele) yale. Nibi a ahau mewolene Yesus nauwa yambi koloukeungene nore yengkondere rotebu kelaunge eunuweuboke. Nebei hee hu yaukanne hului.</div><div class="p"> 7Nebeinye nekele yae Samariana miyae mbai bu reikoise meke. Yesus yae weunge, &#8220;Rare bu yeise anerehin.&#8221; 8Yesus nembai nekele, na moisa orowate yo raman yarokoise yo eise ekate.</div><div class="p"> 9Nebeibe nda Samaria miyae yae weunge, &#8220;Ae, na ijen ban sele weyae Yahudi ro reyae Samariana miyae lonbe bure aneufindere mekaeriyarae?&#8221; (Rabuhine ban Yahudi ro miyae yae Samaria ro miyaere ele moinya yae me baeyaimine.)</div><div class="p"> 10Yesus yae weunge, &#8220;Allah yae ro miyaere aere ban mae foi yeyeumi nane merau Reyae ware bu andehindere riyawale Kiyae Allah yae ukeufe mekale. Nebei a isaeyeubokaena, weyae Rare wali bele bu riyeufehinde, ware walire yeumi bu isete.&#8221;</div><div class="p"> 11Nebei miyae yae weunge, &#8220;Tuhan, nda rotebu wauwau, Weyae bure rekonde mongkon u lonbe. Makeisa nebei walire yeumi bu rowele? 12Naendae wanen waei u benera nekayete Weyae kaban sele maei yobe Yakoblera? Rotebu mo kinyeumeboke, neyae, naei kelu omi, naei obo yoku, naei orona mena bele aneimeyande.&#8221;</div><div class="p"> 13Yesus yae weunge, &#8220;Nde yae nda bu anensinde benen buki ennehubande, 14nebeibe Reyae isende bu anensinde Kiyae bukire ehubasi nekenende. Reyae isende bu yae anensindera nauwa einye bu no wanen yembonde, na hibi-hibi rilennende, wali hena bona hubannende.&#8221;</div><div class="p"> 15Nda miyae yae Yesusre weunge, &#8220;Tuhan, bukibe korele belene, nebei bu yeise, bure nda anuwaunge benen ereyei.&#8221;</div><div class="p"> 16Yesus yae weunge, &#8220;Eye, wa molo kaeneungekonde ndare mebe.&#8221;</div><div class="p"> 17Nda miyae yae weunge, &#8220;Reyae ro ban molo ban ma.&#8221;</div><div class="p">Yesus yae benende weunge, &#8220;Na helebe eleyae, Weyae na hele ro ban molo ban. 18Weyae ro maehae mbai nekaukoke, nda haeinya waei bele nekeube nebei waei ro molo ban. Nebei wanenne nda a elalene weyae na helebe eleukokae.&#8221;</div><div class="p"> 19Nda miyae yae weunge, &#8220;Tuhan, mana na yaka hele reyae hubanale, na hele Weyae yendo kayaalo na hi niyae. 20Maei yobe naei kamahe naei nekayeke nda mokone Allahre ei molainyeke, nebeibe mayae Yahudi ro miyae yae elaube Yerusalem yo mbai nebei anuwaunge mo eyae Allahre eise molomanele hele.&#8221;</div><div class="p"> 21Yesus yae weunge, &#8220;Rare hila rabo haleise! Na ya bele hu bele mende, mayae Ako Allahre nda mokone ei molonnele ban nane merau Yerusalem yone ban. 22Mayae Samaria ro miyae nendon rore oroiboi Allahbe ei molaunge. Meyae Yahudi ro miyae eise molannele Allah meyae rore rannele Kiyae, rabuhine ban Yahudi naei nolora aere hole molommele Kiyae mekene. 23-24Nebeibe Allah roh ma yae nekele, ro miyae kena u einye a elele borole. Nda hee Allah yae Naei na hele a ro miyae kena u einye yakayeumi. Allahre ei molonainyelere ro miyae Naei kena u einye ei molonainyele hele nane merau Neyae keleumi na hele wali nibi a hului nekenate. Nebei u mekai ma ro miyaere Allah baele.&#8221;</div><div class="p"> 25Nda miyae yae Yesusre weunge, &#8220;Reyae raeisaei nekale Allah yae oro umaufe heraweungeboke ro Wali Ondofolo Kiyae mendere. Neyae mende heena nemene fomene ninae aere yakammekonde.&#8221; (Na ro Ibrani afaeunge Mesias.)</div><div class="p"> 26Yesus yae weunge, &#8220;Nane Kiyae mbai Reyae Niyae, wangkele are faeufe eleyonde mbai Niyae.&#8221;</div><div class="p"> 27Nebei hee yae Yesus na moisa orowate yo baeiboke mekate. Yesus miyae mbai bele ane elete erainyene fa yae bate. Naei kena une nda a hinewainye, &#8220;Rahere baeyae? Rahe abe eleubere?&#8221; nebeibe a ewei mo hebate.</div><div class="p"> 28Nebei miyae na habure mo nebei anuwaunge raufike, nebeisa yore habeleweke, ro miyaere weumi, 29&#8220;Aka naei baeke naei memerembo, ndina ro mbai Neyae Wali Ondofolo era. Raei u mekai wa mekai kowekale nanemene hele yakaufekoke.&#8221; 30Nebei yona ro miyae aibaleke Yesusle bokore ewate.</div><div class="p"> 31Nebei miyae ewole mon na moisa orowate yo yae Yesusre uwainye, &#8220;Guru, eraman aneiko ba.&#8221;</div><div class="p"> 32Nebeibe Yesus yae weumi, &#8220;Raei eraman honaisele, nebei naeise mayae maisaei ban.&#8221;</div><div class="p"> 33Na moisa orowate yo hi yae hire hineunge, &#8220;Naendae wanen, Neyae anengkonde eraman ro miyae roukate mekatene era?&#8221;</div><div class="p"> 34Yesus yae weumi, &#8220;Reyae andekonde eraman nda niyae: Allah Rare ukeufe mekale Naei kenare kole hului mokorekonde nane merau Rare kinyeufeboke kalia riyau ufembonde. 35((Yesus Naei kalia mokowole bele era bolu hekene moloisayate ani hokoikoyate bele ahuneungeboke.)) Mayae nda a mekai eyelewaubebe ya, &#8216;Benen oko keli nekemakonde anire hokomale ya mensembonde.&#8217; Nebeibe Reyae mare wamale, enere faise ijoko eren! Nda kani kelane ro miyae heke yoni-yoni fae yangko-yangko wanen yaeiboke. Fae yangko-yangko yoni-yoni mokainyehake hokonatere yaeiboke wanen mbai ro miyae mokainyehake Raei a elalere boronate hila rabo halenate. 36Nda hee anire maluwate yo na roibu yarate. Naei hokate rambun wali hena bonare enaiyaronde ro miyae. Nebei mekai yaere Allahle wali nibi kelaeimi ro miyae nemene rei mai konate. Neyae bolure molate yo bele anire maluwate yo bele wanen yaeiboke. 37Nebei mekai yaere nda a na hele yembonde, &#8216;Hi yae molonde hi yae maluwembonde.&#8217; 38Reyae ukamale mayae omoloikoi anuwaungare ensokombere. Ro miyae hiwa aimoloukoke, mayae ekaube nebei yo yae bolu molaikoke na anibe ensokombe.&#8221;</div><div class="p"> 39Nebei Samaria kanina miyae yae elewole, &#8220;Raei u mekai wa mekai mokowale Yesus nanemene weufekoke.&#8221; Neyae a isaeiwoumine Samaria yona ro miyae helen Yesusre na hele Wali Ondofolo yae elewate. 40Samaria ro miyae Yesusle bokore mekate mo Nare moi hurewainye nebei yo bokone nekendere. Nebeinye ya bee hele Yesus nebei yo bele nekaikoke. 41Benen ro miyae helen sele Yesus elewole are boraikokene Nare hila rabo halewainye. 42Nebei yona ro miyae nda maengkere wainye, &#8220;Meyae hila rabo halaenne weyae uwamae a aerene mo ban. Rabuhine ban menaeijae Naei euwara elewole a borandekokene nane merau maeisaei Neyae nana hesele nda kani kela hole moloiboi naei Ro.&#8221;</div><div class="s">Ondofolo Herodes Naei Kaliare Mokate Ro Kaban Na Kelure Yesus Onomi Ikeunge</div><div class="p"> 43Ya bee Sikar yone nekeukokera mo, Yesus Naei Galilea kanire ewole. 44(Yesus naei euwara Nenaeijae eleukoke, &#8220;Yendo kayaalo mbai na yone yanne foi yae ei ehawei, nebeinye ro miyae nare be ehinei.&#8221;) 45Nebei hee Galilea kanire eke bae, nebeinya ro miyae na kena u foi moi sele ei hauwainye. Paskah ya kaban Yerusalem yone ekate nenaei Yesus na me u mokowolere ijoko yae erewainye.</div><div class="p"> 46Nebeisa benen Yesus bukeufike Galilea kanina Kana yore honolere meke, bere bu hosoro ukeunge anggur bure yeuboke ijende. Kapernaum yona ro mbai Ondofolo Herodesle kaliare mokowole ro na kelu erane kowole. 47Neyae borouboke Yesus Yudea kanira Galilea kanire mekene bae, eke Yesusre riwounge Kapernaum yore mende na fa era hereinyen-hereinyen kowole onomire inyendere.</div><div class="p"> 48Yesus nda rore weunge, &#8220;Mayae rambun emere-emere ijoko ereiboinye Reyae Wali Ondofolo yeubokalere mayae hila rabo ehalei sului.&#8221;</div><div class="p"> 49Ondofolo Herodesle kaliare mokole ro yae weunge, &#8220;Tuhan, u hale yae mele raei fa neherei yae.&#8221;</div><div class="p"> 50Yesus yae weunge, &#8220;Eye! Wa fa ninae onomi rouke.&#8221;</div><div class="p">Nda ro Yesusle ane faeunge hakouboke na hibi ewole. 51Nibi nolone nare ewole mo na yebaei bubaei be huhu baikoke. Mekate wainye, &#8220;Wa fa ninae onomi rouke.&#8221; 52Nebeinye nda yore hineumi, &#8220;Makei haei yae uwa naume hireungeboke?&#8221;</div><div class="p">Nda yo yae wainye, &#8220;Wena rai hujoko mbainye u naume hireungeboke.&#8221;</div><div class="p"> 53Naeko na u bene meungenekeufike na hele nebei haei yae Yesus a ukeunge, &#8220;Wa fa onomi rouke.&#8221; Nebeinye na miyae fa-fa na imae ei obe einya yo bele nemene Yesusre hila rabo halewainye.</div><div class="p"> 54Yudea kanira Yesus bukeufike Galilea kanine meke heera Neyae rambun emere-emere mokowolera roko bee nendo mokouboke.</div>
 </div>
 </div>
</div>

Farisi holona borowate, ro miyae helen sele Yesusre hakowainye nane merau bu kowoumi. Ro miyae name keli mo Yohanesre hakowainye. Naeinya hesele Yesus Nenaeijae ro miyaere bu okoi, na moisa orowate yo yae kowaimi. Farisi holona nda a borokate Yesus isaeyeubokene, Yudea kani nukeungeboke beufoke Galilea kanire ewole.
Naei ende nibi Samaria kanira hele nensande fondere. Samaria kanina yo mbai Sikarre eke. Nebei yo kelaeunge nendahina Yahudi ro miyae naei yobe kaban Yakob yae kani ebi na kelu Yusufre kinyeungeboke. Nebeinye Yakuble rotebu (bu hele) yale. Nibi a ahau mewolene Yesus nauwa yambi koloukeungene nore yengkondere rotebu kelaunge eunuweuboke. Nebei hee hu yaukanne hului.
Nebeinye nekele yae Samariana miyae mbai bu reikoise meke. Yesus yae weunge, “Rare bu yeise anerehin.” Yesus nembai nekele, na moisa orowate yo raman yarokoise yo eise ekate.
Nebeibe nda Samaria miyae yae weunge, “Ae, na ijen ban sele weyae Yahudi ro reyae Samariana miyae lonbe bure aneufindere mekaeriyarae?” (Rabuhine ban Yahudi ro miyae yae Samaria ro miyaere ele moinya yae me baeyaimine.)
Yesus yae weunge, “Allah yae ro miyaere aere ban mae foi yeyeumi nane merau Reyae ware bu andehindere riyawale Kiyae Allah yae ukeufe mekale. Nebei a isaeyeubokaena, weyae Rare wali bele bu riyeufehinde, ware walire yeumi bu isete.”
Nebei miyae yae weunge, “Tuhan, nda rotebu wauwau, Weyae bure rekonde mongkon u lonbe. Makeisa nebei walire yeumi bu rowele? Naendae wanen waei u benera nekayete Weyae kaban sele maei yobe Yakoblera? Rotebu mo kinyeumeboke, neyae, naei kelu omi, naei obo yoku, naei orona mena bele aneimeyande.”
Yesus yae weunge, “Nde yae nda bu anensinde benen buki ennehubande, nebeibe Reyae isende bu anensinde Kiyae bukire ehubasi nekenende. Reyae isende bu yae anensindera nauwa einye bu no wanen yembonde, na hibi-hibi rilennende, wali hena bona hubannende.”
Nda miyae yae Yesusre weunge, “Tuhan, bukibe korele belene, nebei bu yeise, bure nda anuwaunge benen ereyei.”
Yesus yae weunge, “Eye, wa molo kaeneungekonde ndare mebe.”
Nda miyae yae weunge, “Reyae ro ban molo ban ma.”
Yesus yae benende weunge, “Na helebe eleyae, Weyae na hele ro ban molo ban. Weyae ro maehae mbai nekaukoke, nda haeinya waei bele nekeube nebei waei ro molo ban. Nebei wanenne nda a elalene weyae na helebe eleukokae.”
Nda miyae yae weunge, “Tuhan, mana na yaka hele reyae hubanale, na hele Weyae yendo kayaalo na hi niyae. Maei yobe naei kamahe naei nekayeke nda mokone Allahre ei molainyeke, nebeibe mayae Yahudi ro miyae yae elaube Yerusalem yo mbai nebei anuwaunge mo eyae Allahre eise molomanele hele.”
Yesus yae weunge, “Rare hila rabo haleise! Na ya bele hu bele mende, mayae Ako Allahre nda mokone ei molonnele ban nane merau Yerusalem yone ban. Mayae Samaria ro miyae nendon rore oroiboi Allahbe ei molaunge. Meyae Yahudi ro miyae eise molannele Allah meyae rore rannele Kiyae, rabuhine ban Yahudi naei nolora aere hole molommele Kiyae mekene. Nebeibe Allah roh ma yae nekele, ro miyae kena u einye a elele borole. Nda hee Allah yae Naei na hele a ro miyae kena u einye yakayeumi. Allahre ei molonainyelere ro miyae Naei kena u einye ei molonainyele hele nane merau Neyae keleumi na hele wali nibi a hului nekenate. Nebei u mekai ma ro miyaere Allah baele.”
Nda miyae yae Yesusre weunge, “Reyae raeisaei nekale Allah yae oro umaufe heraweungeboke ro Wali Ondofolo Kiyae mendere. Neyae mende heena nemene fomene ninae aere yakammekonde.” (Na ro Ibrani afaeunge Mesias.)
Yesus yae weunge, “Nane Kiyae mbai Reyae Niyae, wangkele are faeufe eleyonde mbai Niyae.”
Nebei hee yae Yesus na moisa orowate yo baeiboke mekate. Yesus miyae mbai bele ane elete erainyene fa yae bate. Naei kena une nda a hinewainye, “Rahere baeyae? Rahe abe eleubere?” nebeibe a ewei mo hebate.
Nebei miyae na habure mo nebei anuwaunge raufike, nebeisa yore habeleweke, ro miyaere weumi, “Aka naei baeke naei memerembo, ndina ro mbai Neyae Wali Ondofolo era. Raei u mekai wa mekai kowekale nanemene hele yakaufekoke.” Nebei yona ro miyae aibaleke Yesusle bokore ewate.
Nebei miyae ewole mon na moisa orowate yo yae Yesusre uwainye, “Guru, eraman aneiko ba.”
Nebeibe Yesus yae weumi, “Raei eraman honaisele, nebei naeise mayae maisaei ban.”
Na moisa orowate yo hi yae hire hineunge, “Naendae wanen, Neyae anengkonde eraman ro miyae roukate mekatene era?”
Yesus yae weumi, “Reyae andekonde eraman nda niyae: Allah Rare ukeufe mekale Naei kenare kole hului mokorekonde nane merau Rare kinyeufeboke kalia riyau ufembonde. ((Yesus Naei kalia mokowole bele era bolu hekene moloisayate ani hokoikoyate bele ahuneungeboke.)) Mayae nda a mekai eyelewaubebe ya, ‘Benen oko keli nekemakonde anire hokomale ya mensembonde.’ Nebeibe Reyae mare wamale, enere faise ijoko eren! Nda kani kelane ro miyae heke yoni-yoni fae yangko-yangko wanen yaeiboke. Fae yangko-yangko yoni-yoni mokainyehake hokonatere yaeiboke wanen mbai ro miyae mokainyehake Raei a elalere boronate hila rabo halenate. Nda hee anire maluwate yo na roibu yarate. Naei hokate rambun wali hena bonare enaiyaronde ro miyae. Nebei mekai yaere Allahle wali nibi kelaeimi ro miyae nemene rei mai konate. Neyae bolure molate yo bele anire maluwate yo bele wanen yaeiboke. Nebei mekai yaere nda a na hele yembonde, ‘Hi yae molonde hi yae maluwembonde.’ Reyae ukamale mayae omoloikoi anuwaungare ensokombere. Ro miyae hiwa aimoloukoke, mayae ekaube nebei yo yae bolu molaikoke na anibe ensokombe.”
Nebei Samaria kanina miyae yae elewole, “Raei u mekai wa mekai mokowale Yesus nanemene weufekoke.” Neyae a isaeiwoumine Samaria yona ro miyae helen Yesusre na hele Wali Ondofolo yae elewate. Samaria ro miyae Yesusle bokore mekate mo Nare moi hurewainye nebei yo bokone nekendere. Nebeinye ya bee hele Yesus nebei yo bele nekaikoke. Benen ro miyae helen sele Yesus elewole are boraikokene Nare hila rabo halewainye. Nebei yona ro miyae nda maengkere wainye, “Meyae hila rabo halaenne weyae uwamae a aerene mo ban. Rabuhine ban menaeijae Naei euwara elewole a borandekokene nane merau maeisaei Neyae nana hesele nda kani kela hole moloiboi naei Ro.”

Ya bee Sikar yone nekeukokera mo, Yesus Naei Galilea kanire ewole. (Yesus naei euwara Nenaeijae eleukoke, “Yendo kayaalo mbai na yone yanne foi yae ei ehawei, nebeinye ro miyae nare be ehinei.”) Nebei hee Galilea kanire eke bae, nebeinya ro miyae na kena u foi moi sele ei hauwainye. Paskah ya kaban Yerusalem yone ekate nenaei Yesus na me u mokowolere ijoko yae erewainye.
Nebeisa benen Yesus bukeufike Galilea kanina Kana yore honolere meke, bere bu hosoro ukeunge anggur bure yeuboke ijende. Kapernaum yona ro mbai Ondofolo Herodesle kaliare mokowole ro na kelu erane kowole. Neyae borouboke Yesus Yudea kanira Galilea kanire mekene bae, eke Yesusre riwounge Kapernaum yore mende na fa era hereinyen-hereinyen kowole onomire inyendere.
Yesus nda rore weunge, “Mayae rambun emere-emere ijoko ereiboinye Reyae Wali Ondofolo yeubokalere mayae hila rabo ehalei sului.”
Ondofolo Herodesle kaliare mokole ro yae weunge, “Tuhan, u hale yae mele raei fa neherei yae.”
Yesus yae weunge, “Eye! Wa fa ninae onomi rouke.”
Nda ro Yesusle ane faeunge hakouboke na hibi ewole. Nibi nolone nare ewole mo na yebaei bubaei be huhu baikoke. Mekate wainye, “Wa fa ninae onomi rouke.” Nebeinye nda yore hineumi, “Makei haei yae uwa naume hireungeboke?”
Nda yo yae wainye, “Wena rai hujoko mbainye u naume hireungeboke.”
Naeko na u bene meungenekeufike na hele nebei haei yae Yesus a ukeunge, “Wa fa onomi rouke.” Nebeinye na miyae fa-fa na imae ei obe einya yo bele nemene Yesusre hila rabo halewainye.
Yudea kanira Yesus bukeufike Galilea kanine meke heera Neyae rambun emere-emere mokowolera roko bee nendo mokouboke.

Listen to Yohanes 4