Burunge: Ila⁄imbidu Gu ⁄abu hari Burungaisoo (Bible)

Ila⁄imbidu Gu  ⁄abu hari Burungaisoo

<div class="version vid2304 iso6393bds" data-vid="2304" data-iso6393="bds">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s1">Yeesu hhoeesa heedi gwaa slaqwa tingara&#8260;uudu</div><div class="r">(Maariko 2:1-12; Luuka 5:17-26)</div><div class="p"> 1Da hhe&#42892;esi, Yeesu yaa hiiday masuwaage, gi tlo&#8260;osi hari bara da cadii da tlawa da didiri da Galilaaya, gi dayri yaamu kosii gu Kaperinauumu giyaa ilii ibimaamidiye. 2Yu&#42892;udiyaa! Hida haraagi khayri daqa Yeesuge heedi gwaa slaqwa tingara&#8260;uudu, tay dugu&#361; qaatisi rawaa gu falage. Yeesu giyaa ilii arimi hida hhakee konay &#8260;imbaraa da didiru daqa dosii, gi tosaa kaay sa heedikee gwaa tingara&#8260;uudu tuba, &#8220;Ye nankoy, hanguu &#8260;atliside! Tlakwaroo doogu sliimaa daga&#227; ilamooyimi!&#8221; 3Qatlay maarimamaa angaamaka da sariyaa giyaa ilii akhasiri Yeesu hi&#297; kaay teesaaqay, gi tlaatleesiri ilahudaa inay kilakoina tuba, &#8220;Heediki hi&#297; belendeqesi Iliitleemu.&#8221;</div><div class="p"> 4Yeesu yaa caahhi ilahudaa koina, gi kaay sa inay tuba, &#8220;Sa so&#42892;oyi ilahudeedemisiday gimba gu tlaku muunai&#297; kokunay? 5Gimba haloo na slaahhi hari khisla, kaawaraa tuba, &#8216;Tlakwaroo doogu sliimaa dagaa ilamooyimi,&#8217; baku kaawaraa tuba, &#8216;Tlayii, la waauta?&#8217; 6Inkoo, ana sla&#42892;a unkuray, ma caahhadiri tuba, Nanku Heedi kona &#8260;uuru gu tawaaloo guri ilamooyiru tlakwaroo da hida ti&#42892;ii khoorotii!&#8221; Te&#42892;esii Yeesu gi kaay sa heedikira gwaa tingara&#8260;uudu tuba, &#8220;Sugu&#361; kaay, tlayii, oyii buburuu googu, la waauta ayage!&#8221; 7Da hhe&#42892;esi, heedikee gi qadidi ge&#8260;e pandaa da hida sliimaage, gi watli ayage. 8Hida sliimaa giyaa ilii aniri teesaaqay, yaa bakairi haa yaa tla&#42892;amuudiri hari khisla! Inay gi hha&#42892;aleesiri Iliitleemu gwaa hadisu hiidahhasa da teesaaqay slanqasa daqa hidage.</div><div class="s1">Mataayo idoo dugwaa ilii eteedi</div><div class="r">(Maariko 2:13-17; Luuka 5:27-32)</div><div class="p"> 9Yeesu yaa waaudi te&#42892;esaa, amooge gi arimi karaanii gwaa hiikurunkuriirima koodi oofisi dosii, uma gosi na Mataayo, hi&#297; ibiidi te&#42892;esii. Yeesu gi kaay sa ina tuba, &#8220;Hanisirakonte!&#8221; Mataayo gii tlay, gugi tosaa sirakoomi.</div><div class="p"> 10Da hhe&#42892;esi, Mataayo yaa kwahhasuusi Yeesu aya gosii. Inkoo, qatlay giyaa ilii &#8260;agiigine &#8260;agoo, karaanimai&#297; wa&#8260;a gwaa hiikurunkuriirimee koodi haa hida wakinay gu koomee tlakwaroo yaa khayri te&#42892;esii. Gonkoinaa yaa &#8260;agiiginay &#8260;agoo sliimaa haa Yeesu haa sirakoomiisee dosi. 11Farisaayoo giyaa ilii aniri Yeesu &#8260;agina haa hida hhakee, gi maasiri sirakoomiisee dosi tuba, &#8220;Maarimuu googuna sa so&#42892;oyi &#8260;agiiginay sliimaa haa karaanimai&#297; go&#243; hiikurunkurimee koodi haa hida hhakee gu koomee tlakwaroo?&#8221;</div><div class="p"> 12Yeesu giyaa ilii akhasi gimbakee, gi ilaki&#8260;isi inay tuba, &#8220;Hida gu koomee slaqoo gu hhoi yo&#243; slaiyaaiiba dareesimoo, hhaka&#42892;a gu koomee ga&#8260;ay no&#243; slaiyay. 13Inkoo, taa&#8260;amida hangu caacaahhamisidee ma&#42892;aana da Handikaa da Iliitleemu do&#243; kaawa tuba, &#8216;Ana &#8260;awaariru guni sla&#42892;a, sadaaka doogunaaba da da&#8260;araa.&#8217;#Yu&#42892;udii kitaabuu gu Hoseeya 6:6; 1 Samweeli 15:22. Inkoo, ana hanti khayiiba sa eteeda hida hhaka&#42892;a gungo&#243; hiiarimee tuba, ibinaa dooina yaa tafa&#42892;adi, hanti khay sa eteediru gu hida hhaka&#42892;a gu koomee tlakwaroo.&#8221;</div><div class="s1">Yeesu dugwaa maasi gimba gu mawaraa &#8260;agoo haa kitahhu</div><div class="r">(Maariko 2:18-22; Luuka 5:33-39)</div><div class="p"> 14Da hhe&#42892;esi, sirakoomiisee da Yohaana Hiinunqudimiisay yaagi khayri daqa Yeesuge, gugi maasiri tuba, &#8220;Dandiray haa raqa da Farisaayoo ho&#243;ti mayna &#8260;agoo haa kitahhu, go&#243; firiirine Iliitleemu. Sirakoomiisee doogu so&#243; so&#42892;oyi mayay teesaaqay laqaraa?&#8221;</div><div class="p"> 15Yeesu gi ilaki&#8260;isi inay tuba, &#8220;Dahaa gu heedi gu&#361; khabimu, malee hiidahhasiyay gaiida qatlay heedi gu&#361; khabimu tosaa wana haa inay? Inkoo, balalu maa dayay, te&#42892;esii heedi gwaa khabimu dugurimaa waaudi daqa dooinaa. Te&#42892;esii inay maa asu mayay &#8260;agoo haa kitahhu see.&#8221;</div><div class="p"> 16Yeesu gi ilakoomi gimba tuba, &#8220;Hhaku heedi lensee go&#243; hiidaqa qayru gwaa faaku hari dahhamu gu &#8260;abu. Bere teesaaqay laqi, qayrukira gwaa faaku kwanda gi feehhidiye daqateesaa dingii daqige, kara qayrukee feehhidi hari khisla ba&#8260;ay da waka&#42892;alee see. 17Nama teesaaqay le&#7869;, hhaku heedi lensee go&#243; hiieesa difaay#9:17 difaay: Buraa da &#8260;aamu waku daa tinqimi, uma gosi naa sabiibu. da &#8260;abi wa&#42892;ay gu curuqu daa boo&#8260;imisi hari fala da segi da iliiqaasa difaaytee. Bere teesaaqay laqi, difaaytee da &#8260;abi, qatlay giyoo ilii mahhaa&#42892;ade, kwanda gii feehhimiside faloo hhakee gonkoinaa. Kara difaaytee go&#245; tuutuquta ha&#227; faloo hhakee see slime yooti tlakwaakwayay. Difaay da &#8260;abi dago&#243; wa&#42892;ay gu faloo gu &#8260;abige hiieesi, hari amotee difaay haa curuqeerii hhakee gu faloo, yo&#243;ti ba&#8260;anay.&#8221;</div><div class="s1">Yeesu slafisaraa da sagameeriya haa hhoeesa da hadee</div><div class="r">(Maariko 5:21-43; Luuka 8:40-56)</div><div class="p"> 18Yeesu giyaa ilii cocaacoiye gimbakee, yu&#42892;udiyaa, yaagi khay giyaadimiisay waku, gi keebeeidi pandaa dosii. Giyaadimiisaykee gugi tlaatlaqasi ina tuba, &#8220;Taataa, sagameeriya doyi hi&#297; hhanti inkootuutuu. Inkoo, hhooa poo, laga iliiqaasa kayda daba googu, ina ma slafidi.&#8221; 19Da hhe&#42892;esi, Yeesu haa sirakoomiisee dosi gii tlayri gi sirakoniri giyaadimiisaykee.</div><div class="p"> 20Yu&#42892;udiyaa! Hadee waka yaagii ta&#8260;ati te&#42892;esii, daa ilahufimaamidiye ha ga&#8260;ay gwii caca&#8260;uu ceedee slaqwa dosaa koraraa mibi haa cada. Ina yaagi sirakonti Yeesu alu&#361; kosaa, gi nangusidi somborokimoo gu qayru gosi. 21Ina yaa teesaaqay laqadi, sa gimba yaati ilahudeesidi muuna gosii tuba, &#8220;Bere hati nangusa kilesi somborokimoo gu qayru gosi, hhoaw sumuku.&#8221;</div><div class="p"> 22Te&#42892;esii Yeesu giyaa ilii fookidi, gigi arimi haa gi kaay sa ina tuba, &#8220;De hotoyi, hangi muuna hii&#8260;atliside! Igi &#8260;imba doogi daqa dooii nigi&#297; hhoeesi.&#8221; Nama qatlaykeesii lenge, hadetee gi hhoaydi.</div><div class="p"> 23Qatlay Yeesu giyaa ilii day mara gu giyaadimiisaykeesii, yaa arimi gaiidiisee daa hiifahhaahhama tureeree da &#8260;aa&#8260;iya haa hida wakinay gaiidiyay hari afoo da didiri. 24Ina gi kaay sa inay tuba, &#8220;Waauda tiaa! Sagameeriyati hi&#297; gwa&#42892;atiiba, hinti qati kilesi.&#8221; Inay gugi qasayri Yeesu. 25Te&#42892;esii raqa da hida dagaa iliica&#8260;asi, Yeesu gii day sagayge, gi ooyi daba gu sagameeriyatee, ina gi tosaa hiitlaydi. 26Gimbaki gii qoomi hhapetee sliimaa.</div><div class="s1">Yeesu hhoeesa hida cada gwaa ilaa hhamaahhamee</div><div class="p"> 27Yeesu giyaa ilii waaudi te&#42892;esaa, hida cada gwaa ilaa hhamaahhamee gwaa sirakoniri, tay tooinaa maahhaminay tuba, &#8220;Nanku Dawdi, sandi &#8260;awaarinte!&#8221;</div><div class="p"> 28Qatlay Yeesu giyaa ilii day wa&#42892;ay gu marage hida hhakee gwaa ilaa hhamaahhamee gwaa sirakoniri ina wa&#42892;ayge. Yeesu gigi maasi inay tuba, &#8220;&#8260;imbidaaii tuba, hanguu dahhasa hhoeesa?&#8221; Inay gugi ilaki&#8260;isiri ina tuba, &#8220;Ee Looimoo gu Go&#245;.&#8221;</div><div class="p"> 29Da hhe&#42892;esi, Yeesu gi nangumisi ilaa koina haa gi kaay tuba, &#8220;Da teesaaqay tleehhidiye daqa doogunay, idoo ga&#227; ilii &#8260;imbidiri gooay.&#8221; 30Ilaa koina digigi tlaa&#42892;asi. Yeesu gigi ilakaay hari dihhay tuba, &#8220;Hhanti kaaday sa heedi lensee gimbaki.&#8221; 31Teesaaqay see, inay giyaa ilii waaudiri te&#42892;esaa, yaatii qoomeesa kayri gimba gosi hhapeteesii sliimaa.</div><div class="s1">Yeesu hhoeesa heedi gwaa afana&#8260;adu</div><div class="p"> 32Hida hhakee giyaa ilii waauu&#42892;umidiyee, hida wakinay hiraagi khayri daqa Yeesuge heedi gwaa afana&#8260;adu, sa gimba dugwaa ilii khaabaa&#42892;adi ha gieeri. 33Qatlay Yeesu giyaa iliica&#8260;asi gieerikee, heedikee gwaa afana&#8260;adu kara gi tlaatleesi coco&#42892;omoo. Raqatee da hida yaa baka&#42892;adi haa gi kaayri tuba, &#8220;Gimba da hi&#297; gooay dugu kahhi arimaa Israeelige.&#8221;</div><div class="p"> 34Farisaayoo gi kaadi tuba, &#8220;Ina, hintii ca&#8260;aa&#8260;amisi gieeri hari &#8260;uuru gu Belisebuuli, hi&#297; gu didiru ba&#8260;ay da gieeri go&#245;!&#8221;</div><div class="s1">Baru&#361; gu bu&#42892;uru ti wa&#8260;a yondimiisee ti coko&#8260;o</div><div class="p"> 35Da hhe&#42892;esi, Yeesu yaa ilakhookhocimi yaamu haa tongagu go&#245; tay tosaa caacaahhamisi sinagoogaguuge. Kara ina gi kakaami Gimba gu Hhou gu Tawaaloo da Iliitleemu haa gi hhoeemisi ga&#8260;ay haa amaaiya paslaapasloo. 36Yeesu giyaa ilii arimi raqa da hida, gi &#8260;awaarimi sa inay, sa gimba giyaa arimi inay ti bee&#8260;uka&#42892;a pahha go&#243;ba de&#42892;emiisay, daa laba&#42892;asi haa go&#243;ba slawaraa iliiawaraa. 37Da hhe&#42892;esi, gi kaay sa sirakoomiisee dosi tuba, &#8220;Baru&#361; gu bu&#42892;uru ti wa&#8260;a, yondimiisee ti coko&#8260;o. 38Inkoo, firima Looay gu qaymoo, ma ya&#8260;abi yondimiisee waka qaymoo dosii.&#8221;</div>
 </div>
 </div>
</div>

Da hheꞌesi, Yeesu yaa hiiday masuwaage, gi tlo⁄osi hari bara da cadii da tlawa da didiri da Galilaaya, gi dayri yaamu kosii gu Kaperinauumu giyaa ilii ibimaamidiye. Yuꞌudiyaa! Hida haraagi khayri daqa Yeesuge heedi gwaa slaqwa tingara⁄uudu, tay duguũ qaatisi rawaa gu falage. Yeesu giyaa ilii arimi hida hhakee konay ⁄imbaraa da didiru daqa dosii, gi tosaa kaay sa heedikee gwaa tingara⁄uudu tuba, “Ye nankoy, hanguu ⁄atliside! Tlakwaroo doogu sliimaa dagaã ilamooyimi!” Qatlay maarimamaa angaamaka da sariyaa giyaa ilii akhasiri Yeesu hiĩ kaay teesaaqay, gi tlaatleesiri ilahudaa inay kilakoina tuba, “Heediki hiĩ belendeqesi Iliitleemu.”
Yeesu yaa caahhi ilahudaa koina, gi kaay sa inay tuba, “Sa soꞌoyi ilahudeedemisiday gimba gu tlaku muunaiĩ kokunay? Gimba haloo na slaahhi hari khisla, kaawaraa tuba, ‘Tlakwaroo doogu sliimaa dagaa ilamooyimi,’ baku kaawaraa tuba, ‘Tlayii, la waauta?’ Inkoo, ana slaꞌa unkuray, ma caahhadiri tuba, Nanku Heedi kona ⁄uuru gu tawaaloo guri ilamooyiru tlakwaroo da hida tiꞌii khoorotii!” Teꞌesii Yeesu gi kaay sa heedikira gwaa tingara⁄uudu tuba, “Suguũ kaay, tlayii, oyii buburuu googu, la waauta ayage!” Da hheꞌesi, heedikee gi qadidi ge⁄e pandaa da hida sliimaage, gi watli ayage. Hida sliimaa giyaa ilii aniri teesaaqay, yaa bakairi haa yaa tlaꞌamuudiri hari khisla! Inay gi hhaꞌaleesiri Iliitleemu gwaa hadisu hiidahhasa da teesaaqay slanqasa daqa hidage.


Yeesu yaa waaudi teꞌesaa, amooge gi arimi karaanii gwaa hiikurunkuriirima koodi oofisi dosii, uma gosi na Mataayo, hiĩ ibiidi teꞌesii. Yeesu gi kaay sa ina tuba, “Hanisirakonte!” Mataayo gii tlay, gugi tosaa sirakoomi.
Da hheꞌesi, Mataayo yaa kwahhasuusi Yeesu aya gosii. Inkoo, qatlay giyaa ilii ⁄agiigine ⁄agoo, karaanimaiĩ wa⁄a gwaa hiikurunkuriirimee koodi haa hida wakinay gu koomee tlakwaroo yaa khayri teꞌesii. Gonkoinaa yaa ⁄agiiginay ⁄agoo sliimaa haa Yeesu haa sirakoomiisee dosi. Farisaayoo giyaa ilii aniri Yeesu ⁄agina haa hida hhakee, gi maasiri sirakoomiisee dosi tuba, “Maarimuu googuna sa soꞌoyi ⁄agiiginay sliimaa haa karaanimaiĩ goó hiikurunkurimee koodi haa hida hhakee gu koomee tlakwaroo?”
Yeesu giyaa ilii akhasi gimbakee, gi ilaki⁄isi inay tuba, “Hida gu koomee slaqoo gu hhoi yoó slaiyaaiiba dareesimoo, hhakaꞌa gu koomee ga⁄ay noó slaiyay. Inkoo, taa⁄amida hangu caacaahhamisidee maꞌaana da Handikaa da Iliitleemu doó kaawa tuba, ‘Ana ⁄awaariru guni slaꞌa, sadaaka doogunaaba da da⁄araa.’ Inkoo, ana hanti khayiiba sa eteeda hida hhakaꞌa gungoó hiiarimee tuba, ibinaa dooina yaa tafaꞌadi, hanti khay sa eteediru gu hida hhakaꞌa gu koomee tlakwaroo.”


Da hheꞌesi, sirakoomiisee da Yohaana Hiinunqudimiisay yaagi khayri daqa Yeesuge, gugi maasiri tuba, “Dandiray haa raqa da Farisaayoo hoóti mayna ⁄agoo haa kitahhu, goó firiirine Iliitleemu. Sirakoomiisee doogu soó soꞌoyi mayay teesaaqay laqaraa?”
Yeesu gi ilaki⁄isi inay tuba, “Dahaa gu heedi guũ khabimu, malee hiidahhasiyay gaiida qatlay heedi guũ khabimu tosaa wana haa inay? Inkoo, balalu maa dayay, teꞌesii heedi gwaa khabimu dugurimaa waaudi daqa dooinaa. Teꞌesii inay maa asu mayay ⁄agoo haa kitahhu see.”
Yeesu gi ilakoomi gimba tuba, “Hhaku heedi lensee goó hiidaqa qayru gwaa faaku hari dahhamu gu ⁄abu. Bere teesaaqay laqi, qayrukira gwaa faaku kwanda gi feehhidiye daqateesaa dingii daqige, kara qayrukee feehhidi hari khisla ba⁄ay da wakaꞌalee see. Nama teesaaqay leẽ, hhaku heedi lensee goó hiieesa difaay da ⁄abi waꞌay gu curuqu daa boo⁄imisi hari fala da segi da iliiqaasa difaaytee. Bere teesaaqay laqi, difaaytee da ⁄abi, qatlay giyoo ilii mahhaaꞌade, kwanda gii feehhimiside faloo hhakee gonkoinaa. Kara difaaytee goõ tuutuquta haã faloo hhakee see slime yooti tlakwaakwayay. Difaay da ⁄abi dagoó waꞌay gu faloo gu ⁄abige hiieesi, hari amotee difaay haa curuqeerii hhakee gu faloo, yoóti ba⁄anay.”


Yeesu giyaa ilii cocaacoiye gimbakee, yuꞌudiyaa, yaagi khay giyaadimiisay waku, gi keebeeidi pandaa dosii. Giyaadimiisaykee gugi tlaatlaqasi ina tuba, “Taataa, sagameeriya doyi hiĩ hhanti inkootuutuu. Inkoo, hhooa poo, laga iliiqaasa kayda daba googu, ina ma slafidi.” Da hheꞌesi, Yeesu haa sirakoomiisee dosi gii tlayri gi sirakoniri giyaadimiisaykee.
Yuꞌudiyaa! Hadee waka yaagii ta⁄ati teꞌesii, daa ilahufimaamidiye ha ga⁄ay gwii caca⁄uu ceedee slaqwa dosaa koraraa mibi haa cada. Ina yaagi sirakonti Yeesu aluũ kosaa, gi nangusidi somborokimoo gu qayru gosi. Ina yaa teesaaqay laqadi, sa gimba yaati ilahudeesidi muuna gosii tuba, “Bere hati nangusa kilesi somborokimoo gu qayru gosi, hhoaw sumuku.”
Teꞌesii Yeesu giyaa ilii fookidi, gigi arimi haa gi kaay sa ina tuba, “De hotoyi, hangi muuna hii⁄atliside! Igi ⁄imba doogi daqa dooii nigiĩ hhoeesi.” Nama qatlaykeesii lenge, hadetee gi hhoaydi.
Qatlay Yeesu giyaa ilii day mara gu giyaadimiisaykeesii, yaa arimi gaiidiisee daa hiifahhaahhama tureeree da ⁄aa⁄iya haa hida wakinay gaiidiyay hari afoo da didiri. Ina gi kaay sa inay tuba, “Waauda tiaa! Sagameeriyati hiĩ gwaꞌatiiba, hinti qati kilesi.” Inay gugi qasayri Yeesu. Teꞌesii raqa da hida dagaa iliica⁄asi, Yeesu gii day sagayge, gi ooyi daba gu sagameeriyatee, ina gi tosaa hiitlaydi. Gimbaki gii qoomi hhapetee sliimaa.

Yeesu giyaa ilii waaudi teꞌesaa, hida cada gwaa ilaa hhamaahhamee gwaa sirakoniri, tay tooinaa maahhaminay tuba, “Nanku Dawdi, sandi ⁄awaarinte!”
Qatlay Yeesu giyaa ilii day waꞌay gu marage hida hhakee gwaa ilaa hhamaahhamee gwaa sirakoniri ina waꞌayge. Yeesu gigi maasi inay tuba, “⁄imbidaaii tuba, hanguu dahhasa hhoeesa?” Inay gugi ilaki⁄isiri ina tuba, “Ee Looimoo gu Goõ.”
Da hheꞌesi, Yeesu gi nangumisi ilaa koina haa gi kaay tuba, “Da teesaaqay tleehhidiye daqa doogunay, idoo gaã ilii ⁄imbidiri gooay.” Ilaa koina digigi tlaaꞌasi. Yeesu gigi ilakaay hari dihhay tuba, “Hhanti kaaday sa heedi lensee gimbaki.” Teesaaqay see, inay giyaa ilii waaudiri teꞌesaa, yaatii qoomeesa kayri gimba gosi hhapeteesii sliimaa.

Hida hhakee giyaa ilii waauuꞌumidiyee, hida wakinay hiraagi khayri daqa Yeesuge heedi gwaa afana⁄adu, sa gimba dugwaa ilii khaabaaꞌadi ha gieeri. Qatlay Yeesu giyaa iliica⁄asi gieerikee, heedikee gwaa afana⁄adu kara gi tlaatleesi cocoꞌomoo. Raqatee da hida yaa bakaꞌadi haa gi kaayri tuba, “Gimba da hiĩ gooay dugu kahhi arimaa Israeelige.”
Farisaayoo gi kaadi tuba, “Ina, hintii ca⁄aa⁄amisi gieeri hari ⁄uuru gu Belisebuuli, hiĩ gu didiru ba⁄ay da gieeri goõ!”

Da hheꞌesi, Yeesu yaa ilakhookhocimi yaamu haa tongagu goõ tay tosaa caacaahhamisi sinagoogaguuge. Kara ina gi kakaami Gimba gu Hhou gu Tawaaloo da Iliitleemu haa gi hhoeemisi ga⁄ay haa amaaiya paslaapasloo. Yeesu giyaa ilii arimi raqa da hida, gi ⁄awaarimi sa inay, sa gimba giyaa arimi inay ti bee⁄ukaꞌa pahha goóba deꞌemiisay, daa labaꞌasi haa goóba slawaraa iliiawaraa. Da hheꞌesi, gi kaay sa sirakoomiisee dosi tuba, “Baruũ gu buꞌuru ti wa⁄a, yondimiisee ti coko⁄o. Inkoo, firima Looay gu qaymoo, ma ya⁄abi yondimiisee waka qaymoo dosii.”

Listen to Mataayo 9