Yupik Audio Bible (Non-Drama)

<div class="version vid1390 iso6393esu" data-vid="1390" data-iso6393="esu">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s1">Wine-aurcecillra</div><div class="p"> 1Erenrek pellugtellukek kassuutellriartangqellruuq Cana-mi, Galilee-am iliini. Jesus-aam-llu aanii tuantellruuq. 2Jesus-aaq-llu kassuucaramun kelgumallruuq, elitnaurani-llu. 3Wine-amek-llu nuuriata, Jesus-aaq aaniin qanrutaa, &#8220;Wine-amek nuuriut.&#8221; 4Jesus-aam-llu kiugaa, &#8220;Arnaaq, casqessia watua? Pillerkaqa tekiteksaituq.&#8221; 5Tua-i aaniin pistet qanrutai, &#8220;Camek uum ellimeqaci, tuaten pikici.&#8221; 6Tuantellruut-llu mer'utet qikut arvinelgen, menuircautnguluteng Jews-aat piciryaraacetun. 7Jesus-aam-llu qanrutai, &#8220;Mer'utet mermek imirciki.&#8221; Imirait-llu essmiartelluki. 8Nutaan qanrutai, &#8220;Qalucici tuaken, nerevkaritem-llu aulukestiinun ayaulluku.&#8221; Ayautaat-llu. 9Tua-i-llu nerevkaritem aulukestiin meq tauna wine-aurtelleq uigamiu, naken-llu piciilamiu, (pistet tau&#865;gaam qalucillret nallunritaat) nerevkaritem aulukestiin uikaun taisqaa, 10qanrulluku-llu, &#8220;Yuut tamarmeng wine-aq assilria ciumek aruqutek'laraat, nutaan-llu camirrluteng mer'umariata, pikegtaunrillra aruqutek'laraat. Tau&#865;gken elpet wine-aq assilria kingumek pillinian.&#8221;</div><div class="p"> 11Wani-wa Jesus-aam nallunailkuciqerraalqaa, Cana-mi Galilee-am iliini, ucurnarqucini nasvagluku. Elitnaurain-llu ukvekaat. 12Taum kinguani ellii, aanani, anelgutni, elitnaurani-llu Capernaum-aamun atrartut tuanlluteng-llu ernerni amllenrilngurni.</div><div class="s1">Agayuvigpagmek Carririllra</div><div class="p"> 13Tua-i-llu Jews-aat Paaskaarat ukaqsigian, Jesus-aaq Jerusalem-aamun mayurtuq. 14Agayuvigpagmi-llu kuluvagnek, qusnginek, yaquliyagarnek-llu, tun'ilriit, akinek-llu naverqucilriit nall'artai. 15Piqertuarutkamek-llu piirriuq, tamalkuita-llu agayuvigpagmek anevkarai qusngit kuluviit-llu tuaten, naverqucilriit-llu akiutaitnek kuvii, estuuluit-llu ayaluqevkarluki. 16Imkunun-llu yaquliyagarnek tun'ilrianun qanertuq, &#8220;Makut anuciki. Atama enii kipusviurtenriciu.&#8221; 17Elitnaurain neq'eraat waten igausngalria, &#8220;Ilungem enen pitekluku, nangtaanga.&#8221; 18Jews-aat-llu qanrutaat, &#8220;Camek nallunailkutkarpenek nasviciiqsikut tuaten piavet?&#8221; 19Jesus-aam kiugai, &#8220;Una Agayutem enii piunrirluku, ernerni-llu pingayuni piurtenqigtarkaugaqa.&#8221; 20Tua-i-llu Jews-aat qanertut, &#8220;Una Agayutem enii caliaqumallruuq allrakuni yuinaagni malrugni arvinlegnek ciplukek, elpet-qaa tau&#865;gken ernerni pingayuni piurtenqigciiqan?&#8221; 21Tau&#865;gaam elliin temni Agayutem enii qanrutkaa. 22Tua-i-llu maktellran kinguani elitnaurain makut qanellri neq'erait, kalikat-llu ukveqait, Jesus-aam-llu cali qanellri.</div><div class="p"> 23Jerusalem-aametellrani Paaskaam nalliini, agayullratni amllelriit atranun ukveryaaqut, tangelteng irr'inarqelrialiari pitekluki. 24Tau&#865;gaam Jesus-aam catkenritai, tua-i yuut tamalkuita nallunrilamiki, 25ayuqucirtuumanrilnger'mi-llu yuum ayuqucianek, elliin yuum ayuqucia nallunrilamiu.</div>
 </div>
 </div>
</div>

Erenrek pellugtellukek kassuutellriartangqellruuq Cana-mi, Galilee-am iliini. Jesus-aam-llu aanii tuantellruuq. Jesus-aaq-llu kassuucaramun kelgumallruuq, elitnaurani-llu. Wine-amek-llu nuuriata, Jesus-aaq aaniin qanrutaa, “Wine-amek nuuriut.” Jesus-aam-llu kiugaa, “Arnaaq, casqessia watua? Pillerkaqa tekiteksaituq.” Tua-i aaniin pistet qanrutai, “Camek uum ellimeqaci, tuaten pikici.” Tuantellruut-llu mer'utet qikut arvinelgen, menuircautnguluteng Jews-aat piciryaraacetun. Jesus-aam-llu qanrutai, “Mer'utet mermek imirciki.” Imirait-llu essmiartelluki. Nutaan qanrutai, “Qalucici tuaken, nerevkaritem-llu aulukestiinun ayaulluku.” Ayautaat-llu. Tua-i-llu nerevkaritem aulukestiin meq tauna wine-aurtelleq uigamiu, naken-llu piciilamiu, (pistet tau͡gaam qalucillret nallunritaat) nerevkaritem aulukestiin uikaun taisqaa, qanrulluku-llu, “Yuut tamarmeng wine-aq assilria ciumek aruqutek'laraat, nutaan-llu camirrluteng mer'umariata, pikegtaunrillra aruqutek'laraat. Tau͡gken elpet wine-aq assilria kingumek pillinian.”
Wani-wa Jesus-aam nallunailkuciqerraalqaa, Cana-mi Galilee-am iliini, ucurnarqucini nasvagluku. Elitnaurain-llu ukvekaat. Taum kinguani ellii, aanani, anelgutni, elitnaurani-llu Capernaum-aamun atrartut tuanlluteng-llu ernerni amllenrilngurni.

Tua-i-llu Jews-aat Paaskaarat ukaqsigian, Jesus-aaq Jerusalem-aamun mayurtuq. Agayuvigpagmi-llu kuluvagnek, qusnginek, yaquliyagarnek-llu, tun'ilriit, akinek-llu naverqucilriit nall'artai. Piqertuarutkamek-llu piirriuq, tamalkuita-llu agayuvigpagmek anevkarai qusngit kuluviit-llu tuaten, naverqucilriit-llu akiutaitnek kuvii, estuuluit-llu ayaluqevkarluki. Imkunun-llu yaquliyagarnek tun'ilrianun qanertuq, “Makut anuciki. Atama enii kipusviurtenriciu.” Elitnaurain neq'eraat waten igausngalria, “Ilungem enen pitekluku, nangtaanga.” Jews-aat-llu qanrutaat, “Camek nallunailkutkarpenek nasviciiqsikut tuaten piavet?” Jesus-aam kiugai, “Una Agayutem enii piunrirluku, ernerni-llu pingayuni piurtenqigtarkaugaqa.” Tua-i-llu Jews-aat qanertut, “Una Agayutem enii caliaqumallruuq allrakuni yuinaagni malrugni arvinlegnek ciplukek, elpet-qaa tau͡gken ernerni pingayuni piurtenqigciiqan?” Tau͡gaam elliin temni Agayutem enii qanrutkaa. Tua-i-llu maktellran kinguani elitnaurain makut qanellri neq'erait, kalikat-llu ukveqait, Jesus-aam-llu cali qanellri.
Jerusalem-aametellrani Paaskaam nalliini, agayullratni amllelriit atranun ukveryaaqut, tangelteng irr'inarqelrialiari pitekluki. Tau͡gaam Jesus-aam catkenritai, tua-i yuut tamalkuita nallunrilamiki, ayuqucirtuumanrilnger'mi-llu yuum ayuqucianek, elliin yuum ayuqucia nallunrilamiu.

Listen to John 2